Arill Riise og Ingvild Bryn - Journalistane Arill Riise og Ingvild Bryn er Årets nynorskbrukarar. - Foto: TV2/Anne Liv Ekroll /

Journalistane Arill Riise og Ingvild Bryn er Årets nynorskbrukarar.

Foto: TV2/Anne Liv Ekroll

Dette er dei beste nynorskbrukarane

Journalistane Ingvild Bryn i NRK og Arill Riise i TV2 er Årets nynorskbrukarar 2012.

Det er Nynorsk kultursentrum som kårar Årets nynorskbrukar. I år får Ingvild Bryn og Arill Riise prisen for utsøkt språkrøkt og framifrå bruk av normert nynorsk i moderne nyheitsjournalistikk i radio og fjernsyn. Det seier styret i Nynorsk kultursentrum i si grunngiving.


LES OGSÅ:


Glad og kry

–Eg er både glad og kry. Å få nynorskens nobelpris er stort, seier Arill Riise. Når tidlegare prisvinnarar er folk som Kjartan Fløgstad og Maria Parr, blir eg audmjuk. Eg er då berre ein journalist.

Riise er frå Ørsta og starta i NRK i 1983. Han har blant anna vore programleiar i Norge rundt, Dagsrevyen og Sommeråpent. No er han hovudanker for kveldsnyhendene i TV2

Presist nyhendespråk

Ingvild Bryn er frå Voss og har vore programleiar i Dagsrevyen sidan 1992.

– Eg blir berre meir og meir glad i nynorsken, så eg set stor pris på å få denne utmerkinga. Nynorsk er ikkje berre vakkert i poesien, det er også eit presist og klart nyhendespråk, seier Ingvild Bryn.

Nynorsk i radio og tv

Det er 13. gongen Nynorsk kultursentrum kårar Årets nynorskbrukar.

– Prisvinnarane har vore språklege førebilete og hjelparar for svært mange, seier direktør Ottar Grepstad i Nynorsk kultursentrum. Han kallar tildelinga ei klar språkpolitisk melding om at også normert nynorsk må høyrast i radio og fjernsyn.

Kvar av prisvinnarane får 40 000 kr, og prisane blir delte ut under opningshøgtida for Dei nynorske festspela 28. juni.

Ottar Grepstad - Ottar Grepstad er direktør ved Nynorsk kultursentrum og seier at nynorsk har ein plass i radio og fjernsyn. - Foto: Remi Sagen / NRK

Ottar Grepstad er direktør ved Nynorsk kultursentrum og seier at nynorsk har ein plass i radio og fjernsyn.

Foto: Remi Sagen / NRK

Siste video/lyd

Evakuerte frå området ved fjellet Mannen i Rauma håper skredet kan gå i løpet av kort tid, slik at dei kan kome tilbake til eit normalt liv. Ekspertane trur fjellpartiet kan losne i neste veke.
Søndag kan Kristiansund styrke sjansane sine til opprykk til Eliteserien når Hødd kjem på besøk i 1.divisjon i fotball. Ei optimistisk klubbleiing håper på publikumsrekord, medan trenaren enno ikkje vil snakke verken om opprykk eller tabellplassering.
Tre menn og ei kvinne er varetektsfengsla i fire veker etter at ein mann vart funnen død i eit hus i Spjelkavik tysdag. Det oppstod brann i huset men politiet opplyser at vald var dødsårsaka.