Edgar Rausandhaug ved Molde kino kan fortelje om fulle kinosalar heile helga. Om lag 2700 tok turen til kinosalen i Molde denne helga.
– Det har vore fulle kinosalar heile helga. Både fredag og laurdag hadde vi tre utselde framsyningar, så det har vore utruleg mykje folk, seier han og fortel at filmen blir vist to gangar dagleg fram til torsdag.
– Til helga setter vi den opp tre gongar dagleg slik at alle som vil skal få sett den, seier Rausandhaug.
Ifølge Filmweb strøymde heile 133.331 publikumarar til kinosalane i helga for å få med seg Bølgen.
- Les også:
Stor interesse for filmen
Beathe Breivik, kinosjef i Ålesund, er også fornøgd med helgas besøkstal. Heile 3336 personar har så langt sett filmen i Ålesund.
Hovudrolleinnehavarane i «Bølgen» Jonas Hoff Oftebro, Ane Dahl Torp, regissør Roar Uthaug, Kristoffer Joner og Edith Haagenrud under opninga av filmfestivalen i Haugesund.
Foto: Bendiksby, Terje / NTB scanpix– Vi har hatt sju framsyningar i helga, og viser den fem gongar dagleg utover veka. Det er veldig kjekt at ein norsk film får så stor merksemd, seier Breivik.
Kinosjefen fortel at interessa for Bølgen har vore så stor at dei har valt å sette opp ekstraframsyningar av filmen.
– Vi måtte kutte i andre filmar for å sette den opp ekstra. Så får vi heller sette opp dei andre filmane seinare, seier ho.
«Bølgen» er ikkje berre underhaldning, men er basert på kva som skjer når fjellpartiet Åkneset kjem til å rase ut i Storfjorden og skape ei flodbølgje på 80 meter.
Raset kan øydelegge Hellesylt og Stranda og kanskje også Geiranger. Breivik trur nærleiken til Geiranger og Åknesremna er ei av årsakene til at så mange har lyst til å sjå filmen.
– Eg trur at folk flest her i området kjenner godt til fjellpartiet Åkneset og Åknesremna, noko som gjer dei ekstra nysgjerrige på korleis filmen er, seier ho.
- Les også:
Møre og Romsdal-effekten
Også i Kristiansund har katastrofefilmen vore populær.
Arkivfoto: Jarle Bjerkestrand, kinosjef ved kinoen i Kristiansund, fortel at Bølgen trekker til seg kinogåarar i alle aldrar.
Foto: Privat– Det har vore full guffe sidan premieren. Vi hadde forventa at filmen ville bli populær og sette den opp rikeleg, seier Jarle Bjerkestrand, kinosjef ved kinoen i Kristiansund.
Nærare 1400 har sett filmen så langt i Kristiansund.
– Bølgen ser ut til å bli ein av dei store filmane i år, og den appellerer både til ung og gammal, seier kinosjefen.
Men til trass for at kinoen har vore populær i store delar av landet, trur også Bjerkestrand at filmen vekker spesiell interesse i Møre og Romsdal.
– Dersom vi samanliknar oss med kinoar andre stadar i landet som er større enn oss, så er det fleire som har sett filmen her, og det er ganske spesielt. Eg trur det har ei slags Møre og Romsdal-effekt. Dei fleste har eit forhold til det som skjer der inne, noko som gjer dei ekstra nysgjerrige på filmen, seier han.
- Les også:
