Begge lag vidare i VM

– Me har trua på gull, men me veit det blir tøft fram mot finalen, seier spelar og trenar, Cecilie Skåre.

• Kan bli verdsmeistrar i undervassrugby

Klare for semifinalar

Kampen mot Tyskland var den første kampen, og kanskje også den tøffaste damene har spelt i VM i Colombia. Laget låg mykje i forsvar, og kampen vann dei 2–1.

– Me håpa på siger mot Tyskland, men me tok det ikkje for gitt og me visste at det ville bli ein tøff kamp. Me har slått ein av våre tøffaste motstandarar, og det gir oss god sjølvtillit, seier Skåre.

Mot USA vart resultatet 27-0, og mot Danmark enda kampen 11–0. Ålesundar Cecilie Skåre, og Mari Bratteteig frå Molde er begge spelande trenarar, og er klare for semifinalar.

– Me tar ein kamp om gongen, og brukar tida mellom kampane til å halde oss vekke frå sola og til å kvile mest mogeleg. Varmen er ei utfordring for oss, seier Bratteteig.

Kven dei møter i semifinale får dei vite når kampen mellom Sverige og Colombia er over.

– Det er eit veldig jamt nivå på dei fem beste laga, og me kjem garantert til å møte ein gullkonkurrent i semifinalen, seier Bratteteig.

Saka held fram under biletet.

• Hun er den store stjernen i «verdens tredje rareste idrett»

Tatt imot som stjerner

Både herrelaget og damelaget tok gull i VM i Finland i 2011, og Skåre og Bratteteig seier stemninga under verdsmeisterskapen har vore god.

– Me er ein samanspleisa gjeng og innanfor laget er det god stemning. Opningsseremonien var spektakulær, og ei ny oppleving for mange av oss. Tribunane var fulle, seier Bratteteig.

– Colombianarane er flinke til å skape liv. Me blir behandla som stjerner av arrangørane og lokalbefolkninga, og det er eit stort pressekorps her, seier ho.

– Herleg å komme i gang

Herrane har hatt gode kampar, og slo Colombia, som har vore den tøffaste motstandaren, heile 2–1. Det norske laget låg først under med eit mål.

– Det beste til no var den sigeren. Å skåre to mål etter å ligge under med eit mål var stort, for me lét ikkje målet imot øydelegge for oss, seier keeper Marius Bunæs frå Oslo.

– Høgt trykk frå Noreg gjorde at motstandarane rakna. Colombianarane er truleg ein av dei største favorittane i tillegg til Noreg, seier spelar Erik Maastad frå Lørenskog.

Kampen mot Australia enda 34-0, og i kvartfinale mot Canada enda kampen 30–0. I semifinalen torsdag møter herrane Sverige.

– Det var herleg å komme i gang med meisterskapen, for me har førebudd oss godt gjennom heile sesongen, seier Bunæs.

SJÅ GRAFIKK:

SJÅ OGSÅ: