Åttebarnsmora som sit fast i Paris, måtte måndag ettermiddag reise tilbake til flyplassen utan noko løysing, etter eit møte med Røde Kors. I helga har familien vore på hotell, etter å ha budd på flyplassen i fleire dagar. Familien budde i Ulsteinvik på Sunnmøre frå i fjor sommar til dei vart sendt ut av Noreg 12. mars.
– Vi har det ikkje godt. Vi er tilbake på flyplassen og det begynner å bli skremmande å sove her, seier eldstedottera Denaite til NRK.
Håpet til 14-åringen er at dei kan få reise tilbake til Noreg, eller finne ein stad å bu i Frankrike. Men til no har verken norske eller franske myndigheiter kome til unnsetning.
- Les også:
Avviser kritikken
Den eritreiske familien kom i fjor sommar først til Frankrike, og blei difor sendt tilbake, for å søkje asyl der, slik regelverket tilseier. I etterkant av utsendinga har norske styresmakter fått skarp kritikk for å gjere for lite for å forsikre seg om at småbarnsfamilien faktisk har ein stad å bu i Frankrike.
Men justisminister Anders Anundsen (Frp) avviser kritikken.
- Les også:
– Norske styresmakter er ansvarleg for det tilbodet vi gir asylsøkjarar i Noreg, ikkje det tilbodet som vert gitt i Frankrike eller andre Dublin-land. Noreg gjer absolutt nok for å sikre at våre asylsøkjarar får det dei skal ha i Noreg. Når dei returnerast etter Dublin-avtalen, så er det landet som tek imot desse asylsøkjarane som er ansvarlege for det tilbodet får eller ikkje får, seier Anundsen.
Det har heller ikkje måndag lukkast NRK å få kommentar med franske styresmakter.