Det er ikkje berre lokal motstand som seinkar utbygginga av vindkraft. Også økonomien får utbyggjarane til å gå planane nærare etter i saumane før dei stikk spaden i jorda.
Hans Endre Sæterøy, ordførar i Sandøy, vona på tydelege signal når det reviderte nasjonalbudsjettet blei lagt fram.
Hans Endre Sæterøy (H) er ordførar i Sandøy kommune.
Foto: Høgre– Signala vi håpte på skulle kome i revidert nasjonalbudsjett er eigentleg ikkje tydelege nok. Det er ikkje trekt fram noko spesielt som gjeld vindkraft, seier ordføraren som likevel er optimist på vegner av utbyggarane.
- Les også:
– Signala manglar
Det er klimameldinga som gjer at Sæterøy framleis er optimist og trur at det skal bli ytterlegare vindkraftutbygging.
– Men det er på mange måtar «status quo». Men dei store, overordna politiske signala er ikkje komne enno, seier Sæterøy.
– Men må det kome noko handfast for å kome i gang?
– Ja, slik eg forstår på selskapet «Vestavind» trengst det tydelege signal, slik at dei kan sende søknad om støtte, seier Sæterøy.
- Les også:
- Les også:
– Det ligg pengar i dette
Vindkraft gjev ikkje berre fornybar energi. I dag har kommunane også høve til å skattlegge anlegga, noko som gjev kjærkomne inntekter til distriktskommunane.
– Det ligg både pengar til kommunane i dette, og kommunane er avhengige av at nokon satsar. Dette kan vere ein måte å få nye arbeidsplassar. Og dersom vi får eit vindkraftanlegg her, kan det gje oss økonomi til å støtte samferdsleprosjekt som for eksempel Nordøyvegen, seier Sæterøy.
