På Flø i Ulstein er det ført nøye statistikk over moltesesongane gjennom 25 år. Bærsesongen i fjellet er middels i år, men entusiastane greier likevel å fylle opp posane med molter.
Erling Ove Flø er ein engasjert bærplukkar. I mange år har den lidenskaplege bærplukkaren gått i fjellet og han har ikkje noko i mot å fortelje kvar dei gode plassane er.
Han forklarer kvar på Flø ein finn mest molter. Konkurransen er ikkje så stor lenger.
– Før var det meir. For 20–30 år sidan. Dei siste åra har eg sett få som plukka. Eigentleg litt sørgeleg.
Men han slepp at andre plukkar bæra han vil ha. Bærsesongen har ikkje vore den beste i år, med ein kald vår og lite sol i sommar, men entusiastane finn alltids bær som dei kan fylle frysarane med, det tek berre litt meir tid.
– Det er ei friluftsoppleving og mosjon i godt vêr. For det er når vêret er bra ein går ut for å plukke, seier han.