Snekkevåg fekk omfattande skadar i det dramatiske raset på riksveg 70 på Oppdølsstranda i Sunndal kommune i midten av august.
I to veker låg han i koma. I dag er 42-åringen på beina igjen og glad for at han overlevde.
- Eg kom ut av tunnelen og såg mykje småstein kome ned i vegen. Eg prøvde å køyre slalom mellom og så høyrde eg eit stort smell og då vart alt svart, seier Snekkevåg.
Video:
Store skadar
Snekkevåg fekk omfattande skadar i ulykka. Brot i låret, knust venstrearm og indre skadar.
- Eg var utruleg heldig som slapp unna skadar i hovudet.
Han veit ikkje når han kan bli bra igjen etter skadane. No er planen å trene seg opp att.
- No skal eg på eit opptreningssenter og derifrå kan det gå fort, men det vil nok gå nokre månader før eg er bra igjen, seier Snekkevåg.
Pendla i 20 år
Snekkevåg har pendla den svært rasutsette strekninga i 20 år og fleire gongar for dagen.
- Du trur aldri at noko slikt skal skje. Fleire gongar har eg sett stein som ligg i vegen og steinsprang, men at det skulle treffe meg hadde eg ikkje trudd skulle skje. No er eg berre glad at eg overlevde.