Slik gjør du
Skjær litt skinke i fine bitar og fres den i litt vanleg olje i ei steikepanne. Du kan og bruke spekeskinke eller anna salt pålegg. Det er og godt å bruke røykelaks, men den skal ikkje steikast.
Knekk 2-3 egg per person. Pisk egga lett saman med vatn, salt og pepar. Når eggblandinga er komen i steikepanna, skal du røre forsiktig heile tida. Då blir omeletten luftig og lett. Bruk svak varme. Når den har «festa» seg, samlar du omeletten til ein halvmåne.
Omeletten skal etast med ein gong, gjerne saman med brød og ein frisk salat.