Slik gjør du

Grunndeig

Varm vatnet til 50 °C. (Tørrgjær treng høgare temperatur en fersk gjær for å utvikle seg best mogeleg.) Bland 600 g av kveitemjølet med tørrgjær, salt og sukker. Ha i vatnet, og elt deigen godt saman. Elt så i resten av mjølet.

Dekk deigbollen med plast, og la deigen heve riktig godt på eit lunt kjøkken.

Ta deigen på bakebordet og del han i to like delar.

Baguette/pariserloff

Del den eine halvparten av deigen i tre like store emne. Trill dei først til tre små brød. Legg plast over, og la deigen kvile litt. dermed får han ein fuktig, fin konsistens.

Trill så brøda litt lenger. La dei kvile igjen ei stund, med plast over.

Siste gong vi tar deigen igjen trillar vi vidare til brøda er like lange som bakeplata. Legg brøda på plate dekt med bakepapir. Dekk dei med plast, og la brøda heve ekstra godt opp – nesten litt i meste laget.

Pensle brøda med kaldt vatn, og snitt lange, djupe, svært skråstilte snitt med bølgebrødkniv. Omnsvarmen skal vera 250 °C. Sett plata midt i omnen. Smør brøda med kaldt vatn igjen etter 5 minutt og etter 8 minuttar i omnen. Steik brøda i alt 12–15 min. Flytt brøda over på rist.

Ved avkjøling skrumpar innmaten litt inn, og dermed blir skorpa krakelert og knas-sprø.