Direktoratet for naturforvalting (DN) har stempla villsvina som uønska, derfor er det lov å skyte alle villsvin året rundt. I Østfold har dei skote fleire villsvin, og jegerane skryt av det gode kjøtet!

Legg kjøtet i saltlake

For å ta vare på kjøtet, legg du det i saltlake:

• 8,8 liter vatn
• 1,2 kg colorozo-salt
• 1-2 dl druesukker

Bland det kaldt, eller kok opp laken for betre haldbarheit. Eller...

• 4,4 liter vatn
• 600 gram colorozo-salt
• ½ dl druesukker

Kok opp vatnet og bland i salt og sukker. La laken kjølne før du brukar den.

Forklaring: Colorozo-salt inneheld 0,6 % nitritt pr kg, som gir den rosa fargen på kjøtet og samtidig gjer det meir haldbart. Nitritt hemmar blant anna tilveksten av toksin i kjøtet.

Du kan spørje etter saltet i ferskvaredisken i butikken, eller bestille frå storkjøkengrossist.

Tips: Du kan minske saltmengda med 10 % for at villsvinet ikkje skal bli for salt. Du kan også lage eit avkok på krydder som timian, rosmarin, laurbærblad og pepar. Kok det i 10 minutt og la det kjølne, sil av kryddera og bland avkoket med saltlaken.

NETT-TV: Staffan og Monika grillar

Når du grillar villsvinet penslar du det med grillolje for å få eit saftig og glansfullt kjøt. Gjenta penslinga mange gangar under grillinga.

Heimelaga grillolje

• 2 dl soya
• 2 ss honning
• 2 ts ingefær
• ½ dl sesamolje eller jordnøttolje
• 1 dl mangochutney

Staffans BBQ-saus

Fres i kasserolle:

• 500 gram rotfrukter i terningar
• Løk
• Paprika
• 1 chilipepar
• ½ rund kvitlauk
• Krydder

Tilset:

• 1 dl kvitvin
• 5 tomatar i terningar
• 1 ss riven ingefær
• 2 ss råsukker
• 2 dl grønsaksbuljong

Kok det i 15 minutt og køyr så alt i ein mosar til du har ein tjukk, sausig konsistens. Smak til og server.

QUIZ: Tam?, (søt) og stor!

(Staffan Lindström, kokk Svenska Jägareförbundet Öster-Malma )