For 160 år sidan blei ein tjuv på Nordmøre forvist til fjells i Folddalen i Trollheimen, fordi han stal mat. Biologen Nils Røv er fascinert av historia om "Folddalingen", og han vil finne ut korleis det var å starte på nytt og leve langt frå folk i vinterfjellet.
NETT-TV:
Kanskje var ikkje naturen verste fienden for ein familie med tre små ungar, men heller det at den fredlause ikkje klarar å slutte med tjuveri sjølv langt inni Nordmørsfjella.
Bli med til Trollheimen: (arkiv)
På fisketur:
Tjuven
Dette er historia om tjuven som måtte byggje seg ein ny heim innafor innerste setra i Folddalen i 1848. Ingen andre var det som budde vinteren gjennom tre og ei halv mil frå bygda.
Hit vart han jaga med kjerring og tre små ungar for at bygdefolket skulle vere sikre på å få fred for tjuveria hans.
Fjellmannen
Nils Røv.
Foto: Per Jarle Heggdalsvik / NRKDet er også historia om Nils Røv som alltid har lurt på korleis den fredlause klarte seg i fjellet. Biologen og forskaren vil inn og finne plassen Farkholtet der tjuven levde. Ingen veit heilt sikkert kor stua låg, men Nils Røv har si eiga bestemte meining om kor det er.
Han leitar etter biologiske spor i fotefara etter han dei kalla Folddalingen. For sjølv 160 år etter at det budde folk her, kan det vere muleg å finne merke etter levd liv.
Trollheimen
Nils Røv vil leve eit par månader inne på fjellet, på ein enkel måte omtrent slik Folddalingen gjorde det. Nils vil følge med i naturen og kanskje førstå betre korleis det var for familien på fem å gå på ein vinter i fjellet.
Derfor brukar han god tid innover i desse fjelldalane han har gått i sidan gutedagane. Vi skal vere med Nils i den naturen han set aller mest pris på.
NRK1 tirsdag 11. mars klokka 19:30.
