NRK NETT-TV:
Steinkobbar dormar på solvarme berg medan havørna glir langs vårgrøne lier.Villreinen beitar ved breen og fuglekor syng i edellauvskogen. Eit eventyr? Ja – og det heiter Nærøyfjorden i Sogn og Fjordane.
Rik urørt natur
Her får du nærkontakt med niser og steinkobbar, ser villrein og ørn. Dyrelivet er allsidigt i dette fjordriket inst i Sognefjorden.
Sjå steinkobbar i fjorden i NRK Nett-tv:
Kongeveg og hyllegard
Den Kongelege postvegen frå 1600-talet ligg som eit nostalgisk og vakkert minnesmerke langs fjordsida. Vi går den populære turstien fram til Bleiklindi, den freda linda med genfeilen som fargar blada sitrongule.
300 stupbratte meter opp frå fjorden har Stigen gard klort seg fast på ei luftig, grøn hylle. Tåkedottar kjem og går langs fjellkløftene på turen opp – der vi møter den hjertevarme verten Dee Cunningham.
Verten har opna dørene så alle kan få oppleve dette eventyret av ein utsiktsplass.
Villrein og ørnar
Reporter Kari Toft spente på seg skia og vandra høgt over Nærøyfjorden – på jakt etter villrein oppe ved Fresvikbreen. Reinen har vore borte frå området nokre år, men er no på veg tilbake igjen, så spenninga var stor…
Reporter Hanne Aass var også i Nærøyfjorden, der ho leitte høgt og lågt etter kongeørn og havørn i verdsarvområdet. På veg frå det hemmelege kongeørnreiret til havørnas hekkeområde fekk ho ei solid bonusoppleving på turen…
Desse historiene ser du og i programmet: Nærøyfjorden – verdas vakraste arv.