- Det er kroppen din som prøver å beskytte deg mot stråling, fortel kjemiprofessor Svein Stølen.
Derfor produserer kroppen dette fargestoffet som skal absorbere lysstråling. Nokre av oss lagar meir av dette fargestoffet enn andre.
- Vi produserer fleire versjonar av dette fargestoffet. Nokre er brune og andre er meir røde.
Nokre har for lite
- Når du får sterk sol på deg så klarar ikkje kroppen å produsere nok av dette fargestoffet, og då klarar den ikkje å absorbere nok av lysstrålane.
Og då skadar du celler i huda.
Kroppen reparerer
Når det skjer prøver kroppen din å reparere skaden som du då har påført den.
- Då strømmar det blod til overflata, og då blir det rødaktig farge.
Om ein pressar på huda når du då har blitt solbrent så blir det lyst.
- Då pressar du blodet tilbake, og når du slepp fingeren igjen kjem blodet tilbake.
Heldigvis går det over, men det lønner seg nok å bruke solkrem oppfordrar kjemiprofessoren.