Sidan det var Håkon Hauer som gjekk vidare frå Nettsjansen til Kjempesjansen er Renate no ute av Nettsjansen. Men om du framleis vil støtte Renate kan du stemme på ho fram til sendinga på laurdag er over klokka 21.15.
I dag jobbar Renate med psykiskutviklingshemma, men det er ikkje den jobben ho draumar om å ha resten av livet, ho vil bli countryartist. Den aller største draumen er å synge duett med Tanya Tucker og Kenny Rogers. Og Renate har faktisk vore på Live- konsert med Tanya Tucker. Det er noko av det mest spennande ho nokon gong har opplevd.
Noko anna som kanskje vil bli spennande for 24 åringen er om ho kjem vidare frå Nettsjansen til Kjempesjansen, då får vi høyre ho med songen "Take me to the river" av Stig Lindell, som du og kan høyre på hennes.
Kaffi og røyk
Dei fleste fotballspelarar, politikarar og ikkje minst artistar har faste rutine med ting dei berre MÅ gjere før dei går på scena, og her kjem ikkje Renate utanom. Ho har sine faste ting som ho må gjere kvar gong ho går på scena. Det aller første er å organisere permen sin, drikke ein kopp kaffi og ta seg ein røyk. Dette er fast, i alle fall det med å sjekke permen.
Kva vil du bruke pengane du vinn til?
Reise på ferie til syden. Har ikkje hatt ferie i heile sommar, kunne difor trenge ein no.
På gøy med Renate:
Kva er det mest nerdete med deg?
- At eg har ein merkeleg uvane med å stirre folk på halsen når eg pratar med dei.
Er det noko du ikkje klarer?
- Eg ser ut som ei ku på dansegolvet
Har du eit motto?
- Vi lever berre ein gong, gjer som du vil, du fortener det!
