Hasse Hope og Erik Solbakken blir det nye radarparet på NRK3, med base på sjølvaste Karl Johan, Oslo sin hovudgate.
– Det kjem til å vere oss, campingstolar og eit bord på Karl Johan. Det blir sketsjar, «stunts» og gjester, men det blir meir action enn prating, seier Erik.
– Vanlege folk er minst like interessante som kjendisar, og det finst mange raringar på Karl Johan, legg Hasse til.
Programmet skal høveleg nok heite «Karl Johan» og kjem på skjermen til hausten.
- LES OGSÅ:
Joggarar og turistar
Opptak til programmet er allereie i gang, men konseptet er i utvikling, fortel dei.
– Me skal gjere opptak til alle tider på døgnet, så me får på ein måte sjå eit tverrsnitt av befolkninga. Karl Johan har jo både joggarar, turistar og dei som ravar rundt på natta, seier Erik.
Altså kan kva som helst skje på Karl Johan i tida framover.
– Folk gir frå seg både klede og pengar om dei får høyre at ”dette blir bra på TV”, seier Erik.
– Andre bryr seg ikkje om oss i det heile. Eller dei avbryt oss i filminga, eller stel vassflaskene våre. Me må vere litt på «alerten» på Karl Johan, seier Hasse.
- LES OGSÅ:
(Saka held fram under biletet)
Frå gamle til nye prosjekt
Hasse Hope debuterte på NRK3 med programmet «tweet4tweet» tidlegare i vår.
Det fekk hard medfart av meldarar, og tilbakemeldingane på det sosiale nettsamfunnet Twitter, som programmet handla om, var heller lunkne.
– Det var ein prøvelse i byrjinga, men det blei betre etter kvart. Og eg lærte mykje av det, seier Hasse Hope.
Erik Solbakken har den siste tida vore programleiar for musikkprogrammet «Popstokk» på laurdagskveldane.
Han innrømmer at han har sakna å ha med nokon på programleiarlaget.
- LES OGSÅ:
Nachspiel
Samarbeidet mellom dei spring ut frå ein tur på byen.
– Erik hadde vore gjest i «tweet4tweet», men me kjente ikkje kvarandre så godt. Så hamna me på same nachspiel etter ein tur på byen, og det vart byrjinga på samarbeidet, fortel Hasse.
– Eg synest Hasse er kjempemorsom, seier Erik.
– Og eg passar på å le av Erik også, spøkjer Hasse.
Det er i alle høve ingen ting å seie på stemninga og kjemien mellom desse to. Så får me sjå om dei klarar å få Karl Johan og resten av Norge til å le.
Seks episodar av programmet blir sendt på NRK3 tidleg på hausten 2012.
- LES OGSÅ:
- LES OGSÅ: