Hopp til innhold

Vil sette ut piano over heile landet

På Østbanehallen i Oslo står det eit flygel, og alle som vil kan spele på det. Slikt kan det no bli meir av i Noreg.

På Østbanehallen i Oslo står det eit flygel, og alle som vil kan spele på det. Slikt kan det no bli meir av i Noreg. Alt den første dagen var Paula Aarseth Tunstad der og spelte. På opninga var pianist Erlend Skomsvoll til stades.

FOR ALLE: Paula Aarseth Tunstad spelar på flygelet som er plassert i Østbanehallen i Oslo. Eit prosjekt kalla Parkert Piano plasserer flygel i det offentlege rom, og no kan også andre søke om å få eit piano som står disponibelt for den som vil spele. Erlend Skomsvoll spelte på opningsdagen. FOTO: Lars Ivar Nordal.

– Eg trur at det å ha eit instrument tilgjengeleg for så mange menneske kan skape mange veldig flotte møter, seier Paula Aarseth Tunstad.

Ho er ein av dei som set pris på at det no er plassert eit flygel i Østbanehallen i Oslo. Ho vart introdusert for eit liknande prosjektet alt for tre år sidan, då ho var utvekslingsstudent i Frankrike.

– Eg trur eg sakna pianoet like mykje som eg sakna familien min, og då eg då gjekk inn på ein togstasjon i Frankrike og såg at det stod eit piano der, til min disposisjon, så var det ei utruleg trøyst, seier Tunstad.

Vil folk skal oppdage musikksjangrar

Piano for alle i Østbanehallen, Oslo.

FOR ALLE: Eit flygel, i Østbanehallen, og alle som vil kan bruke det.

Foto: Lars Ivar Nordal / NRK

Initiativtakar til prosjektet Parkert Piano er Jeunesses Musicales Norway. Det startar på eit flygel i Østbanehallen, og i oktober vil det bli mogeleg for andre å søke om å få sette ut eit piano i sitt nærmiljø.

Dei som får innvilga søknaden får pianoet til odel og eige, med blant anna den føresetnaden at flygelet skal stå i offentleg rom i tre år.

Prosjektleiar Tine Tyldum i Parkert Piano

OPPLEVINGAR: Prosjektleiar Tine Tyldum i Parkert Piano håpar flygel og piano i offentlege rom kan gi folk gode musikkopplevingar.

Foto: Lars Ivar Nordal / NRK

– Me gjer det for å gi folk musikkopplevingar der dei elles ikkje får det. Me håpar me kan nå ut slik at folk oppdagar musikksjangrar dei kanskje ikkje har eit forhold til elles, seier prosjektleiar Tine Tyldum.

– I tillegg ynskjer me å bruke prosjektet til å gi unge musikarar ein arena, legg ho til.

– Trur du folk torer å sette seg ned og spele?

– Med hjelp av designarar og produktutviklarar har me prøvde å skape ein arena som gjer at folk føler seg velkomen til å sette seg ned. Me har også alt opplevd at fem ungdommar sette seg ned for å spele, før me fekk sett opp skiltet, så det lovar godt, seier Tyldum.

– Får opplevingar

Erlend Skomsvoll i Østbanehallen i Oslo

VALT UT: Saman med ein ung makker har Erlend Skomsvoll fått teste flygelet han har valt ut, og som no står i Østbanehallen.

Foto: Lars Ivar Nordal / NRK

Jazzpianist Erlend Skomsvoll har hjelpt til på prosjektet, mellom anna ved å velje ut flygelet frå Schimmel klaverfabrikk i Tyskland. No har han fått teste instrumentet som står midt blant restaurantar og reisande.

– Det veldig spanande å plassere flotte instrument der menneske ferdast, for det gjer at dei får opplevingar som dei ikkje trudde at dei skulle få, seier Skomsvoll.

– Det er utruleg hyggeleg å spele der det er menneske, og eg ser at folk smiler og lurer. Det viktige er at dei som går forbi anten opplever fin musikk eller får lyst til å spele sjølv, seier han.

Et parkert flygel ble i dag plassert ut i Østbanehallen i Oslo. Instrumentet skal være tilgjengeleg for alle, både profesjonelle og små amatørar.

Kulturstrøm

  • 3,7 millioner til fem filmproduksjoner

    Internasjonalt Samisk Filminstitutt (ISF) har bevilget 3,7 millioner norske kroner i årets første bevilgningsrunde. To kortfilmer, en tv-serie og to langfilmer får bevilgning.

    Det skriver ISFI i en pressemelding.

  • YouTube krever merking av KI-innhold

    De som publiserer på YouTube fremover, må huke av om innholdet er manipulert eller endret for å tydeliggjøre hva som er skapt ved hjelp av kunstig intelligens.

    – Seerne får stadig mer behov for åpenhet om hvorvidt det de ser på, er manipulert eller syntetisk, skriver selskapet på sin blogg.

    Den nye merkingen vil gjelde videoer hvor det kan være tvil om det man ser virkelig er ekte, for eksempel såkalt deepfake, hvor en kjent person sier noe vedkommende aldri har sagt.

    Det vil ikke gjelde videoer som åpenbart er manipulert, som for eksempel animasjonsvideoer, skjønnhetsfilter og spesialeffekter.

    (NTB)

  • Kvinnegruppa Ottar har anmeldt pornografisk russebuss

    Kvinnegruppa Ottar har anmeldt en russebuss fra Bryne som skal ha en pornografisk illustrasjon på siden av bussen.

    De har videresendt anmeldelsen, som de leverte til Sørvest politidistrikt, til Stavanger Aftenblad.

    Gruppa mener at illustrasjonen på utsiden av bussen bryter med straffeloven paragraf 317 om pornografi og paragraf 318 om utstillingsforbud av bilder av eksplisitt seksualisert karakter.

    – Kvinnegruppa Ottar reagerer kraftig på at noen skal kunne kjøre rundt i offentligheten med sitt kvinnefiendtlige budskap, skriver de i anmeldelsen.

    20 russegutter på Bryne vidaregåande skule har brukt omkring 3 millioner kroner på bussen. Guttene har tidligere sagt til Stavanger Aftenblad at foreldrene deres ikke er så begeistret for eksteriøret på bussen.(NTB)