Hopp til innhold

Hylla Dylan med ny låt

Jenny Hval opna sin kontorkonsert hos Ervingen i Bergen med ein heilt ny låt, «The Seer», som ho tileigna tirsdagens jubilant Bob Dylan. Sjå heile konserten her!

Video Kontorkonserten med Jenny Hval

Jenny Hval under tirsdagens kontorkonsert i Bergen. (Stillfoto: Fred Olav Vatne)

– Vi øvde inn denne under lydsjekken, til ære for Bob Dylans 70-årsdag, avslørte Jenny Hval etter å ha framført den nye låten live på NRK.no og på P2.

Det er først dei siste åra Hval har høyrt mykje på Dylan, som ho tidlegare assosierte med «gamle gubbar og musikkjournalistar med hatt».

– Han er med i låten som ein slags ufrivillig forgylla bronsestatue. Han har skrive mange gode låtar, og for mange er han sjølve symbolet på kva ein artist skal vere, men all mystikken rundt han er jo skapt av journalistane og oss andre rundt.

Jenny Hval

Jenny Hval og Kyrre Laastad under urframføringa av «The Seer».

Foto: Fred Olav Vatne / NRK

– Det var som om vi innvigde rommet

Den siste av vårens kontorkonsertar fann stad på den hittil minste arbeidsplassen, nemleg hos Bergen ungdomslag Ervingen i Bergen. Jenny Hval var svært fornøgd med konsertlokalet:

– Det var veldig fint å spele her, eg likte til dømes at det kom ein del lyd inn frå trafikken utanfor, som vart ein del av lydbiletet, sa ho etter konserten.

– Det var noko rituelt over det heile, som om vi innvigde rommet , eller dreiv ut ei kontorånd – ein kontorutdrivelse, kanskje?

Jenny Hval med band

Jenny Hval, gitarist Håvard Volden og trommeslagar Kyrre Laastad fann seg godt til rette i Ervingens lokaler.

Foto: Fred Olav Vatne / NRK

– Åh ja, vi skal ha konsert!

Berre tre personar jobbar i kontorlokala til dagleg, og dei visste ikkje ein gong om at arbeidsplassen deira var påmeldt då NRKs utsending kom innom for å vurdere sendeforholda frå lokalet.

– Det var leiaren og nestleiaren vår som stod for initiativet, vi visste ingenting, seier Gro Vetås, som måtte overlate pulten sin til trommis Kyrre Laastad tirsdag ettermiddag.

– Det var veldig spennande å vente på den endelege avgjerda, og då vi fekk beskjeden om at konserten vart her, jubla vi, «åh ja, vi skal ha konsert her»!

Borghild Opdahl og Gro Vetås

Borghild Opdahl (til venstre) inviterte Jenny Hval til Ervingens kontor utan at Gro Vetås og dei andre tilsette visste det.

Foto: Fred Olav Vatne / NRK

Sjå dei andre kontorkonsertane

Konserten med Jenny Hval var den niande og siste av vårens serie med kontorkonsertar. Konsertane er eit samarbeidsprosjekt mellom NRK og MIC Norsk Musikkinformasjon, og ein ny serie til hausten er under planlegging.

Mellom dei andre artistane som har besøkt kontorkonsertane er Bigbang, som spelte hos datafirmaet Prediktor i Fredrikstad , og Susanne Sundfør, som spelte hos arkitektane i LPO i Oslo .

Kulturstrøm

  • Sangtekster har blitt enklere, mer repeterende, aggressive og selvopptatte

    Et team av europeiske forskere har analyserte ordene i mer enn 12.000 engelskspråklige sanger, på tvers av sjangrene rap, country, pop, R&B og rock fra 1980 til 2020.

    Ifølge studien, som ble publiser torsdag, har sangtekster blitt enklere og mer repeterende. Tekstene har også blitt mer aggressive og selvopptatte i løpet av de siste 40 årene, skriver The Guardian.

    En av forskerne bak studien, Eva Zangerle, understreker at sangtekster kan være et «speil av samfunnet», som gjenspeiler hvordan en kulturs verdier, følelser og opptatthet endrer seg over tid. Studien trakk ikke frem hvilke artister funnene gjaldt.

    Sangtekster
    Foto: AP
  • Harvard fjerner bokomslag laget av menneskehud

    Prestisjeuniversitetet Harvard sier de har fjernet menneskehud fra innbindingen av en bok de har hatt i ett av bibliotekene sine i over 90 år.

    I 2014 ble det oppdaget at en bok var bundet inn med huden til en død kvinne.

    Harvard, som regnes som det eldste universitetet i USA, har tidligere utnyttet interessen rundt bokens morbide historie. Da det ble oppdaget at det var brukt menneskehud i innbindingen ble det omtalt som «gode nyheter for både tilhengere av innbinding med menneskehud, bokfantaster og kannibaler». I et blogginnlegg samme år skrev Harvard at praksisen med å binde bøker i menneskehud tidligere hadde vært forholdsvis vanlig.

    (NTB)