Hopp til innhold

Kontorkonsert med Ida Jenshus

– Eg hadde forventa meg eit sterilt kontorlokale, men her er vi jo nesten på ein italiensk piazza, sa Ida Jenshus under kontorkonserten hos Visit Trondheim.

Kontorkonsert med Ida Jenshus hos Visit Trondheim 21. november 2012.

Alexander Pettersen, Ida Jenshus og Kriss Stemland under kontorkonserten hos Visit Trondheim. (Stillfoto: Fred Olav Vatne)

Ida Jenshus byrja haustens noregsturné i Otta 18. oktober, og har sidan turnert landet på kryss og tvers.

Onsdag heldt ho kontorkonsert nokre steinkast heimanfrå – for 40-50 tilsette og inviterte hos Visit Trondheim ved Torvet i Trondheim.

– Ikkje så ofte innom når ein bur her

– Det er ikkje så ofte ein er innom Visit Trondheim når ein bur her i byen, sa Jenshus under konserten, som fann stad i atriet innanfor Turistinformasjonen, ein overbygd bakgård.

– Men det er veldig hyggeleg å vere her i dag – eg hadde forventa meg eit sterilt kontorlokale, men vi er jo nesten på ein italiensk piazza her i bakgården.

Jenshus (25) er opphavleg frå Steinkjer, men har budd i Trondheim sidan ho var 19, og bur i dag på Bakklandet. Her har ho møtt alle ho speler i band med i dag, og resten av teamet ho har rundt seg.

Møtte sine største fans på turné

Ida Jenshus

Ida Jenshus.

Foto: Fred Olav Vatne / NRK

Ida Jenshus skildrar turneen så langt som «veldig, veldig bra», med god publikumsoppslutning – ho merkar tydeleg auke i interessa sidan førre turné.

– Det har blitt mange sterke møter på vegen, med folk som har reist langt og har eit nært forhold til enkeltlåtar, seier Jenshus.

Aller lengst reiste truleg to sveitsarar som Jenshus først møtte på konserten i Bergen:

– Den eine hadde kjøpt debutplata mi på eit postkontor i Hammerfest i 2008, og vart svært begeistra. No kom dei til Noreg for å vere med på alle konsertane mine på Vestlandet – i Bergen, i Haugesund, på Stord og på Bryne.

Les: Ida Jenshus synger ut

Dobbel Spellemann-vinnar

Jenshus vart først kjent for eit større publikum då ho i 2007 gjekk av med sigeren i musikkonkurransen «Lyden av lørdag» på NRK1.

Året etter kom debutplata Color of the Sun, som vart tildelt Spellemannprisen i countryklassen – ei ære ho også oppnådde med andrealbumet No Guarantees.

I haust kom tredjealbumet Someone to Love, der countryelementa er noko nedtona samanlikna med dei første platene. Albumet har hausta svært gode kritikkar og høge plasseringar på salslistene.

Sjå også: Tidlegare kontorkonsertar med mellom andre deLillos, Odd Nordstoga, Bernhoft og Susanne Sundfør

Kontorkonserten er eit samarbeid mellom NRK og MIC Norsk Musikkinformasjon.

Kulturstrøm

  • Harvard fjerner bokomslag laget av menneskehud

    Prestisjeuniversitetet Harvard sier de har fjernet menneskehud fra innbindingen av en bok de har hatt i ett av bibliotekene sine i over 90 år.

    I 2014 ble det oppdaget at en bok var bundet inn med huden til en død kvinne.

    Harvard, som regnes som det eldste universitetet i USA, har tidligere utnyttet interessen rundt bokens morbide historie. Da det ble oppdaget at det var brukt menneskehud i innbindingen ble det omtalt som «gode nyheter for både tilhengere av innbinding med menneskehud, bokfantaster og kannibaler». I et blogginnlegg samme år skrev Harvard at praksisen med å binde bøker i menneskehud tidligere hadde vært forholdsvis vanlig.

    (NTB)

  • Gåte er fornøyd, men spente

    Til NRK sier Gåte at de er fornøyde med plasseringen de har fått i sin semifinale, men at de samtidig er spente på stemningen i salen etter Israels opptreden.

    Tidligere tirsdag ble det kjent at Norge opptrer rett etter Israel i den andre semifinalen i Malmö 9. mai. EBU har fått kritikk fra flere hold for å la Israel delta.

    Jim Ødegård Pedersen, leder folkejuryen Adresse Malmö, tror det kommer til å gå bra. Men sier at Israels bidrag ikke er det enkleste å opptre etter i år. Også han er spent.