Eurovision Song Contest er Europas største kulturarrangement, og har gleda millionar av tv-sjåarar i 53 år.
Men i nokon land er ikkje konkurransen berre lettbeint underhaldning.
For 43 Grand Prix-fans i den tidlegare sovjetrepublikken Aserbajdsjan i det austlege Kaukasus, skulle stemmegjevinga i musikktevlinga syne seg å verte skjebnesvanger.
Dei ga nemleg si stemme til nabolandet Armenia, som har vore i konflikt med Aserbajdsjan om regionen Nagorno-Karabakh sidan nittitalet. Det førte til politiavhør, skriv
.- Potensiell sikkerheitstrussel
- Eg blei skulda for å vere upatriotisk og for å vere ein potensiell sikkerheitstrussel, fortel ein av stemmegjevarane til BBC.
Myndigheitene på si side seier at desse borgarane berre blei inviterte til å forklare kvifor dei valde å stemme på nabolandet Armenias bidrag
, framført av Inga & Anush (NRK tek ikkje ansvar for innhaldet på eksterne nettsider).Det er uklart kor mange av dei 43 som blei kalla inn til avhør.
Kan vere provokasjon
Dei to landa avtalte i november i fjor å intensivere arbeidet med å løyse striden om landområda.
BBCs korrespondent i regionen, Tom Esslemont, seier at det er uklart kvifor styresmaktene valde å kalle inn Grand Prix-sjåarane til avhør, tre månadar etter den internasjonale finalen der Alexander Rybak gjekk av med sigeren.
Menneskerettsforkjemparar seier i følgje korrespondenten at Aserbajdsjans president Ilham Aliyev gjer kåra for ytringsfridomen i landet stadig vanskelegare, og at Grand Prix-avhøra kan vere ein medviten provokasjon overfor Armenia.
- Aserbajdsjan og Armenia kom på henholdsvis tredje og tiande plass i årets Eurosong-finale.