– Zlatan får ungdom til å lese meir

Fotballspelaren Zlatan Ibrahimovic kan få Läkerols kulturpris den 13. juli fordi han har fått «unge til å gjenoppdage bokas verd».

Sjølvbiografien «Jag är Zlatan» handlar om livet til fotballstjerna som vaks opp i det belasta innvandrarstrøket Rosengård i Malmø, av fattige foreldre frå Bosnia og Kroatia, og vart ein av verdas mest kjente fotballspelarar.

Han har vunne åtte ligagull med storklubbar som Ajax, Inter, Juventus, Barcelona og Milan.

Samt vorte berykta for ukonvensjonell oppførsel både på og utanfor bana.

LES OGSÅ: Zlatan avslører trenerdrøm

Openhjartig biografi

Zlatan gir sjeldan intervju, men i samarbeid med den svenske journalisten og forfattaren David Lagercrantz skreiv Zlatan ein openhjartig sjølvbiografi.

• Høyr David Legarcrantz lese frå biografien til Zlatan.

Boka sel som varmt kveitebrød i Sverige. Den har også blitt lånt flittig på biblioteka.

Så flittig at biblioteka måtte ut med oppimot ein million svenske kroner til forlaget fordi boka var så populær. For kvar e-bok som vart utlånt måtte dei ut med 20 svenske kroner, skriv svt.se.

• LES OGSÅ: E-boksuksess kveler bibliotekene

Kan få pris

Läkerols kulturpris har vorte delt ut i Sverige sidan 1971 og i Danmark sidan 1955. Etter ni års pause vart prisen gjeninnstifta frå 2009, med eit meir folkeleg fokus.

Tidlegare mottakarar er blant andre Povel Ramel, Piet Hein, Ghita Nørby og Olle Adolphson.

Dei andre nominerte i år er Eurovision-vinnar Loreen, DJ-en Avicii og FN sin svenske visegeneralsekretær Jan Eliasson.

• LES OGSÅ: Zlatan avgjorde for Sverige
• LES OGSÅ: – Selger Zlatan mot hans vilje