Rettssaka mot tyske Dietmar Machold (63) byrja i Wien i september, og sist fredag vart den tidlegare instrumenthandlaren dømt til seks års fengsel. Han kunne fått opptil ti år, men det vart rekna som formildande at han vedgjekk underslag.
Dietmar Machold i retten.
Foto: Heinz-Peter Bader / Reuters– Eg har mislukkast. Eg har tapt alt, sa Dietmar Machold etter å ha fått domen, ifølgje Reuters. Det er ikkje klart om han vil anke.
– Du spelte høgt og tapte mykje, men du forstår at du må ta ansvaret for dette, sa dommar Claudia Moravec-Loidolt til Machold i retten fredag.
Machold er også tiltalt for bedrageri, og dei skuldingane vart handsama for seg. Machold har ikkje erkjent seg skuldig i bedrageri.
Les:
Skuldar om lag 1,8 milliardar
Tyske Dietmar Machold dreiv fram til 2010 med kjøp og sal av nokre av dei mest kostbare gjenstandane i musikkverda: Strykeinstrument bygde av Antonio Stradivari og hans likesinna i Cremona på 1600- og 1700-talet.
Machold budde i eit 700 år gammalt slott med garasjen full av dyre bilar då verksemda hans byrja å slå sprekker. I 2010 gjekk verksemda konkurs, og i 2011 vart han arrestert. Under rettssaka oppgav Machold at han skuldar rundt 1,8 milliardar kroner.
Dei samla krava mot Machold er ifølgje Washington Post på drygt 1,1 milliardar kroner. Tiltalen for underslag og bedrageri er knytt til krav på 35 millionar.
Les:
Dietmar Machold med ekskona Barbara og eksslottet Eichbüchl i bakgrunnen.
Foto: Carsten Holm / Der Spiegel.Betinga dom for ekskona og svigermor
Machold si verksemd var ei femtegenerasjons familiebedrift som på høgda hadde filialar i New York, Chicago, Zürich og Wien. I løpet av dei siste åra har han mista både verksemda og slottet sitt – og kona gjekk frå han sist vinter.
– Eg gjorde det eg gjorde, og vert straffa for det. Det er slik det må vere, sa han i retten før han tok imot dommen. Han sa også at han ikkje fortener ein mild dom.
Ekskona Barbara går heller ikkje ut av saka med æra i fullgod behold – ho og mora hennar fekk eitt år betinga fengsel kvar for å ha gøymt unna verdifulle instrument og ei samling kostbare armbandsur då verksemda braut saman.
