Det nye samlealbumet til Rolling Stones skal heite «GRRR!», og skal kome i fire versjonar.
Mellom anna ei utgåve på fire CD-ar og til saman 80 spor, medan den meir nostalgiske fansen får ein boks med gamaldagse tolvtommarar av vinyl, meldte gruppa i ei kunngjering tysdag.
«GRRR!» vil bestå av Stones-klassikarar som «Satisfaction», «Brown Sugar» og «Jumpin' Jack Flash», så vel som gruppa sin aller første innspeling, «Come On» frå 1963.
- LES OGSÅ:
To nye spor
Albumet, som blir sloppe 13. november, skal også innehalde to heilt nye spor som vart spelte inn i Paris for kort tid sidan, ifølgje gruppa.
Ifølgje Billboard heiter dei «Gloom And Doom» og «One Last Shot», og er dei fyrste til å bli spelte inn etter «A Bigger Bang»-albumet som kom i 2005.
I oktober skal en film om Rolling Stones si historie frå bandets fyrste konsert til deira liv og musikk i dag, ha premiere på kino i Storbritannia.
Filmen heiter «Cross Fire Hurricane», eit sitat frå den fyrste tekstlinja i «Jumpin' Jack Flash».
- LES OGSÅ:
Konsertar
Stones skal også spille to konsertar på O2-arenaen i London og to på Barclays-senteret i Brooklyn i november, melder Billboard.
Konsertane kan gi bandet inntekter tilsvarande 145 millionar norske kroner.
12. juli 2012 var det 50 år sidan Rolling Stones spelte sin fyrste konsert, men til og med bandet sjølv klarar ikkje å gi eit eintydig svar på når dei fyller 50.
– Charlie Watts vart ikkje med i bandet før i 1963. Me ser på 2012 som jubileet for «unnfangelse», men «fødselen» er til neste år, sa Keith Richards tidlegare i år.
- LES OGSÅ:
