Hopp til innhold

Han har tannlegeforsikra fingrane

– Den beste måten å øve opp ein brekt finger på er å spele fiolin, seier Noregs fiolinvirtuos nummer éin. Arve Tellefsen er tilbake i form til Oslo Kammermusikkfestival.

Arve Tellefsen med fingerbrot

Arve Tellefsen med fingerbrot

Når Noregs største fiolinist brekk fingeren, veltar det om på mange planar og arrangement. Men det var aldri i tankane til Arve Tellefsen at han skulle gå glipp av sitt eige hjartebarn, Oslo Kammermusikkfestival, som går av stabelen i august.

Etter at Tellefsen snubla i trappa og brekte veslefingeren, måtte han gå med gips i tre veker - og fekk ikkje lov til å spele fiolin i det heile tatt.

– Til å byrje med tenkte eg: «Det var deilig, no får eg litt fri, utan å ha dårleg samvit.» Men etter tre dagar var det nitrist, då sakna eg fiolinen veldig. Det var tre veldig lange veker, seier han.

Sjå video over: Slik høyrde det ut på første gjennomspeling etter skaden.

– Eg trur musikarar saknar instrumentet sitt ganske fort, slik var det i alle fall for meg. Når ein har halde på eit heilt liv, fem-seks timar kvar dag, er det noko som manglar dersom instrumentet plutseleg er borte.

– Korleis artar saknet seg?

– Ein blir rastlaus - kvar er fiolinen? Ein kjenner seg naken utan fiolinen i hendene. Det var både ei fysisk og psykisk påkjenning, seier Tellefsen.

Sikker på å kome tilbake

Men fingrane, som spelar dei vakraste stykker og får folk til å bla opp for billettar, er ikkje forsikra på same vis som beina til fotballspelarar.

– For 100 år sidan trur eg at eg forsikra dei, men det var ei slags tannlegeforsikring, slik at veslefingeren var ingenting verdt. Det var tommel- og peikefingeren som var noko verdt, elles var det dårleg. Fiolinistar brukar jo også veslefingeren, vi brukar alle fingrane, vi.

– Så du har forsikra hendene dine veldig godt?

– Veldig dårleg! ler han.

– Men eg tenkte ikkje på det når dette skjedde. Eg var så sikker på at eg skulle kome tilbake og spele.

– Er de musikarar for dårlege til å forsikre dykk? Sportsfolk gjer jo dette heile tida.

– Ja, men sportsfolk tener mykje meir enn oss, så dei er vel nøydde til å forsikre seg. I tillegg er støtteapparatet mykje større på idrettssida enn på musikarsida. Dei fleste trur eg ikkje har forsikra seg så mykje, av musikarar. Vi tar sjansar.

LES OGSÅ:

(Artikkelen held fram under biletet)

Arve Tellefsen

Arve Tellefsen er tilbake etter tre veker med brekt finger.

Foto: Kallestad, Gorm / SCANPIX

I rute før festivalen

Då uhellet var ute, brukte han tida til å sjå på TV, lese aviser og vere saman med døtrene sine. Han tenkte aldri på at han skulle gå glipp av Oslo Kammermusikkfestival.

– Den beste måten å øve opp ein brekt finger på, er å spele fiolin. Så eg har anbefalt alle som skulle brekke fingrane om å byrje å spele fiolin, seier han humoristisk.

I 1989 stifta han Oslo Kammermusikkfestival, der han framleis er kunstnarisk leiar. På programmet i år står den unge bratsjspelaren og vinnaren av «Virtuos», Eivind Holtsmark Ringstad, samt store stjerner som Ole Edvard Antonsen, Truls Mørk, Håvard Gimse og Vilde Frang.

– Festivalen betyr mykje for meg, og eg håpar den betyr mykje for publikum også. Aldersforskjellen er stor, vi har med fiolinistar heilt ned i 10-11 årsalderen. Vi synest det er viktig å ha med framtida i musikklivet, seier Arve Tellefsen.

Sjølv er han godt i rute framfor festivalen.

– Fingeren er blitt betre enn før, den.

Oslo Kammermusikkfestival går føre seg mellom 10.-18. august.

LES OGSÅ:

Kulturstrøm

  • Harvard fjerner bokomslag laget av menneskehud

    Prestisjeuniversitetet Harvard sier de har fjernet menneskehud fra innbindingen av en bok de har hatt i ett av bibliotekene sine i over 90 år.

    I 2014 ble det oppdaget at en bok var bundet inn med huden til en død kvinne.

    Harvard, som regnes som det eldste universitetet i USA, har tidligere utnyttet interessen rundt bokens morbide historie. Da det ble oppdaget at det var brukt menneskehud i innbindingen ble det omtalt som «gode nyheter for både tilhengere av innbinding med menneskehud, bokfantaster og kannibaler». I et blogginnlegg samme år skrev Harvard at praksisen med å binde bøker i menneskehud tidligere hadde vært forholdsvis vanlig.

    (NTB)

  • Gåte er fornøyd, men spente

    Til NRK sier Gåte at de er fornøyde med plasseringen de har fått i sin semifinale, men at de samtidig er spente på stemningen i salen etter Israels opptreden.

    Tidligere tirsdag ble det kjent at Norge opptrer rett etter Israel i den andre semifinalen i Malmö 9. mai. EBU har fått kritikk fra flere hold for å la Israel delta.

    Jim Ødegård Pedersen, leder folkejuryen Adresse Malmö, tror det kommer til å gå bra. Men sier at Israels bidrag ikke er det enkleste å opptre etter i år. Også han er spent.