The Pirate Bay-gründer ankar til EU
ANKAR TIL EU: Grunnleggjaren av The Pirate Bay, Fredrik Neij, håpar EU-domstolen vil frikjenne han for brot på opphavsretten.
Foto: JONATHAN NACKSTRAND/AfpEin av grunnleggjarane av fildelingssida The Pirate Bay ankar fengsels- og erstatningsdommen til EU-domstolen, etter at høgsterett i Sverige nekta han å anke.
Publisert 15.05.2012 09:56.
- Skriv ut
Svenske Fredrik Neij blei i 2010 dømt til ti månader i fengsel i lagmannsretten, og blei nekta lov til å anke til høgsterett.
Opprinneleg blei han dømt til eitt år i fengsel, men fekk redusert straffa til ti månader.
LES: Svensk høgsterett avviser The Pirate Bay-anke
The Pirate Bay-gründarane Fredrik Neij og Peter Sunde frå starten av ankesaka i fjor.
Foto: JONATHAN NACKSTRAND/AfpHan er dømt for å gjere det mogleg å dele opphavsbeskytta musikk og filmar på nettstaden The Pirate Bay. No ankar han saka til EU-domstolen.
46 millionar i erstatning
Med-grunnleggjarane Peter Sunde og Carl Lundstrøm blei dømt til høvesvis åtte og fire månader i fengsel, og trioen er dømt til å betale totalt 46 millionar svenske kroner i erstatning til film- og musikkbransjen for brot på opphavsretten.
Fakta om Pirate Bay-saka
- Pirate Bay er ein stad for fildeling på internett. Fildeling betyr at nettbrukarar utvekslar datafiler, noko som krevjer bruk av spesielle dataprogram.
- Ein svensk domstol fann i april i 2010 dei fire mennene bak Pirate Bay skuldige i brot på lova om opphavsrett. Dei blei dømt til fengsel og til å betale erstatning på 46 millionar svenske kroner.
- I februar 2012 avviste svenske høgsterett anken frå gründerane.
- Pirate Bay blei grunnlagt i 2003 og er rekna til å ha om lag 35 millionar brukarar.
- (Kjelder: Nyheitsbyråa TT og DPA
The Pirate Bay blei grunnlagt i 2003, og er rekna å ha over 35 millionar brukarar.
- LES OGSÅ: Han gjør fildeling til en religion
På nettstaden kan kven som helst dele og laste ned film, musikk og dataspel utan å betale avgifter til opphavsrett.
Jonas Nilsson, advokaten til Fredrik Neji, understrekar at nettstaden har eit automatisk system for å spreie filar, som ikkje er under opphavsrettsleg vern.
LES: Dømt til å stenge pirat-nettsted
– Derned er ikkje Pirate Bay-grunnleggjarane ansvarlege for innhaldet på sida, seier han.
– Som å døme posten for ulovleg innhald i pakken
– Å dømme Pirate Bay-grunnleggjarane for brot på opphavsretten er det same som å dømme postverket for å levere ein pakke med ulovleg innhald, seier advokaten som eit eksempel.
LOGO: The Pirate Bay-logoen er symbolet på piratkopiering.
Foto: TBC– Det vil vere det same som å dømme ei kjøp- og salsside for lovbrot når nokon sel ein stolen sykkel gjennom ei annonse, held han fram.
– Saka er eigna for høgsterett
No prøvar Fredrik Neij seg på EU-domstolen for å bli frikjent sidan han blei nekta å anke til svenske høgsterett.
– Svenske statsborgarar har rett til å motta og spreie informasjon. Etter vårt syn er Fredrik Neij sin rett til ytringsfridom blitt nekta, seier Nilsson.
- LES OGSÅ: Ny trussel fra Pirate Bay
Advokaten er kritisk til at den svenske høgsteretten ikkje ville høyre anken i saka.
– Berre nokre få tilfelle er eigna til å anke høgsterett, og Pirate Bay-saka er eit slikt tilfelle, seier advokaten.
Les
Nyeste bildegallerier
NRKs sommerbåt er på veiUnderholdningsnyheter
Kulturnyheter
