Newzealandsk TV jaktar Andhøy

TVNZ er på veg mot Antarktis for å finne Jarle Andhøy. TV-kanalen er ein nasjonal kringkastar og delvis statsfinansiert.

Andhøy er på veg mot området der båten «Berserk», med tre mann om bord, forsvann 22. februar i fjor. Han håper å finne ut kva som skjedde med dei.

TV-teamet reknar med å vere framme kring 15. februar, men er ikkje sikre på om dei kjem til å finne Andhøy.

Dei veit heller ikkje om Andhøy vil snakke med dei.

• LES OGSÅ: Jarle Andhøy har krysset 60 grader sør
• LES OGSÅ: Andhøy avviser kritikk

Bryt forskrift igjen

Andhøy og mannskapet hans har kryssa 60 grader sør med den russiskregistrerte seglbåten «Nilaya».

Dermed bryt han igjen forskrifta for Antarktis og risikerar bøter og fengselstraff.

• LES OGSÅ: New Zealand truer Andhøy
• LES OGSÅ: Bryter loven igjen: – Risikerer ett år i fengsel

NRK har vore i kontakt med Andhøy. Han fortalde at det er meir is i området enn det var i fjor.

– Sidan me er her så seint i sesongen, kjem vi ikkje til å rekke å søke etter «Berserk» under vatn. Men me kjem til å søke på land, på dei stadene me hadde avtalt å møte dei andre gutane. Der kjem vi til å sjekke om dei har lagt igjen utstyr, seier Andhøy til NRK.

Han er førebudd på å snu om istilhøva tilseier det.

– Det er inga skam å snu. Det viktigaste er å komme heile heim, sa han til NRK.

• LES OGSÅ: – Jeg har ingen planer om å snu
• LES OGSÅ: Gir opp jakten på Andhøy
• LES OGSÅ: – Vi har en blindpassasjer om bord