Tidlegare statsminister Gordon Brown kom med tunge skyts mot både presse, politi og den sittande regjeringa då han snakka i ein parlamentdebatt i kveld.
– David Cameron må forklare kvifor hans mediapolitikk var så lik News Internationals, sa Brown.
Gordon Brown med kona Sarah og sonen James Fraser. The Sun fekk tak i medisinske opplysningar om sonen og avlytta familien.
Foto: David Cheskin / ApSom døme på områder der dei konservative og News International hadde same syn nemnte han lisensavgift, BBC online, framtida til sportarrangement på TV og Ofcom, det britiske medietilsynet.
Brown er ein av dei som har blitt utsatt for telefonavlytting av avisa The Sun. Fleire tusen personar kan ha blitt avlytta av dei Murdoch-eigde avisene News of the World, The Sun og Sunday Times.
Les: – Gordon Brown ble avlyttet
Brown meinte den sittande regjeringa hadde gjort for lite for å avsløre telefonavlyttinga og at Cameron burde utvide granskinga av skandalen for å undersøke skikkeleg kva metodar som har blitt brukt.
David Cameron var ikkje til stade i debatten i Underhuset, men forklarte i spørjetimen tidlegare på dagen korleis han ville rydde opp, ved hjelp av ei offentleg gransking.
– Burde brukt mindre tid på middag
Debatten skulle eigentleg handle om det planlagte Murdoch-oppkjøpet av TV-giganten BSkyB, men handla meir om kven som hadde skulda for telefonavlyttingsskandalen.
Rupert Murdoch meldte i dag at han trekkjer bodet på BSkyB.
Les:
Tidlegare statsminister Gordon Brown kritiserte Metropolitan Police-sjef John Yates for å bruke meir tid på å ete middag med News International-sjefar enn å etterforske ulovleg telefonavlytting.
– John Yates gløymde ikkje berre å spørje nokre av spørsmåla, han gløymde å spørje spørsmål i det heile tatt. Politiet burde brukt meir tid på å etterforske telefonavlytting og mindre på å ete middag med News International-sjefar, sa Gordon Brown.
Brown vart møtt med mykje buing frå dei konservative, så høg var temperaturen i Underhuset at ordstyraren fleire gongar måtte be folk om å vere stille eller å forlate rommet.
Les:
(Artikkelen held fram under biletet)
Rupert Murdoch og Rebekah Brooks er i hardt veir. Begge vart nemnt i Parlamentet.
Foto: MAX NASH / Afp– Var verken koseleg eller komfortabelt
Brown gjekk hardt ut og kritiserte både presse, politi og den sittande regjeringa.
Han sa han ikkje var der for å forsvare seg sjølv, men dei som ikkje kunne forsvare seg sjølve, pårørande til terror- og mordoffer som har fått deira tragedier bretta ut som eigedommen til News International, skriv The Guardian.
Likevel, Brown brukte mykje taletid på å forklare kva forhold han hadde hatt til pressa då han var statsminister. Han forsøkte å byggje bru med media, men lét seg ikkje styre av dei, hevda han.
Mellom anna viste han BSkyB til Konkurransetilsynet, då dei ville kjøpe seg opp i TV-kanalen ITV.
– Forholdet mellom Labour-regjeringa mi og News International var verken koseleg eller komfortabelt, sa han.
Vil gje bevis til komité
Han kritiserte News International for å bruke pressefridom som forsvar for kriminelle.
– News International gikk frå takrenna til kloakken. Men dei lét rottene ut av kloakken, sa Brown.
– Under James Murdoch oppførte BSkyB seg enda meir aggressivt mot BBC,sa Brown og brukte som døme at Murdoch ville at BBC skulle ta betalt for innhald på nettstaden sin.
Det var eit ønskje som Brown ikkje lét gå i oppfylling. Han uttalte at han gjerne ville gje bevis om dette til komitéen som skal granske avlyttingssaka.
