Hopp til innhold

Politiet ransaka Daily Star

Andy Coulson og Clive Goodman er arresterte i samband med News of the World-skandalen. No blir også avisa Daily Star ransaka for bevis.

Video Cameron vil granske pressen

SJÅ I DAGSREVYEN: Andy Coulson var pr-mann for statsministeren. No er han arrestert i avlyttingsskandalen.

Clive Goodman

Clive Goodman, tidlegare hoffreporter i News of the World.

Foto: CARL DE SOUZA / AFP

Ifølgje nyheitsbyrået AFP blei London-kontoret til avisa Daily Star ransaka i ettermiddag av Scotland Yard. Det hendte berre få timar etter at Clive Goodman vart arrestert.

Han var tidlegare hoffreporter i News of the World, men jobbar no for søndagsutgåva til Daily Star. Bakgrunnen for arrestasjonen skal vera skuldingane om at journalistar ved News of the World skal ha bestukke politiet.

Clive Goodman vart i 2007 arrestert og sona fire månader i fengsel for hacking av telefonar til tilsette ved det britiske kongehuset.

Les også: Dette går britane glipp av

Sjekkar alle tidlegare arbeidsplassar

Ifølgje TV-kanalen Channel 4 skal sjefredaktør i Daily Star informere sine tilsette i eit møte i ettermiddag. Dei slapp denne pressemeldinga:

«Politiet var interessert i datamateriale som Goodman har brukt det siste året som frilansar for avisa, for å krysssjekke det med hans aktivitetar i News of the World. Dei var spesielt interessert i å krysssjekke e-postane hans med e-postane frå News of the World.»

Politiet skal sjekke alle plassar der Goodman har jobba sidan han var i News of the World, ifølgje Daily Star.

Les: «No forstår alle kor avskyelege desse menneska er»

Rebekah Brooks går framleis fri, men etter eit møte i News International i dag vart det bestemt at ho ikkje får leie den interne granskinga av News of the World. Det vart bestemt av James Murdoch og dei andre News Corporation-leiarane, skriv The Guardian.

(Artikkelen held fram under biletet)

Andy Coulson

Andy Coulson, tidlegare redaktør i skandaleavisa News of the World.

Foto: STEFAN WERMUTH / Reuters

Andy Coulson vart arrestert

Tidlegare i dag melde Sky News på Twitter at Andy Coulson er arrestert.

Andy Coulson var sjefredaktør i skandaleavisa News of the World mellom 2003 og 2007. I denne tida skal avisa ha hacka telefonen til fleire kjendisar.

Denne veka har det kome fram opplysningar om at avisa også har avlytta etterlatne etter avdøde soldatar i Irak og Afghanistan, og etter bombeangrepa i London 2005.

Andy Coulson har dessutan vore pr-rådgjevar for statsminister David Cameron.

Det blir spekulert i om avlyttingsskandalen kan omfatte fleire enn News of the World. Skodespelar Hugh Grant er blant dei som har blitt utsett for avlytting. Han trur ikkje News of the World er åleine om å ha denne praksisen:

Video Hugh Grant om News of the Worlds avlytting

Hugh Grant om avlyttingsskandalen

Les meir om News of the World-skandalen:

Kulturstrøm

  • Gåte er fornøyd, men spente

    Til NRK sier Gåte at de er fornøyde med plasseringen de har fått i sin semifinale, men at de samtidig er spente på stemningen i salen etter Israels opptreden.

    Tidligere tirsdag ble det kjent at Norge opptrer rett etter Israel i den andre semifinalen i Malmö 9. mai. EBU har fått kritikk fra flere hold for å la Israel delta.

    Jim Ødegård Pedersen, leder folkejuryen Adresse Malmö, tror det kommer til å gå bra. Men sier at Israels bidrag ikke er det enkleste å opptre etter i år. Også han er spent.

  • Madonna avslutter turné med stor gratiskonsert

    Madonna skal holde en enorm gratiskonsert på Copacabana i Rio de Janeiro 4. mai som avslutning på Celebration-turneen som startet i oktober.

    På Madonnas nettside omtales konserten som hennes «største show hittil». Den er en «takk til fansen for å ha feiret musikken hennes i mer enn fire tiår».

    Madonna
    Foto: Evan Agostini / AP