New Line Cinema vart i 2008 saksøkt for 220 millionar dollar av JRR Tolkien sine arvingar, for brot på avtale og svindel.
Årsaka til søksmålet var mangel på lisensbetaling for bruken av Tolkien sine romanar, etter filmatiseringa av Ringenes Herre.
Planla to filmar
Etter suksessen med Ringenes Herre-filmane planla New Line Cinema ei filmatisering av Hobbiten. Regissør Guillermo del Toro har planlagt to filmar basert på romanen. Men med søksmålet frå Tolkien-arvingane vart filmplanane ståande på vent.
Nøgde med forlik
No har partane kome fram til eit forlik, melder
. Dermed ligg alt til rette for at filmatiseringa av Hobbiten kan lanserast i 2011.Alan Horn seier til BBC at han er nøgd med at dei no har løyst rettstvisten, og at dei ser fram til eit gjensidig og godt samarbeid i framtida.
JRR Tolkien sin son Christopher Tolkien uttaler at han synest det var dumt at dei måtte gå til søksmål.
- Vi er glade for at tvisten no er løyst på ein tilfredsstillande måte. Og vi godkjenner no at New Line Cinema kan halde fram med filmplanane for Hobbiten, seier Christopher Tolkien.