Scenekunst du bør sjå i sommar
Spelet om Heilag Olav kan du sjå på Stiklestad i sommar.
Foto: Trond Leirvik/NRKSommaren har mykje å by på av scenekunst, frå teater for barn, til danseframsyning i fossen, og historiske spel.
Publisert 29.06.2009 14:48.
- Kommentarer
- Skriv ut
NRK sin scenekunst-meldar Karen Frøsland Nystøyl har plukka ut sine fem sommarfavorittar.
«Dette er alle spel si mor. Eit must!»
Karen Frøsland Nystøyl om Spelet om Heilag Olav
For små og store røvarar
Vegar Hoel spelar Robin Hood på Natvigs Minde, Stavanger.
Foto: Roy Storvik/Ole NerheimOm du vil ta med heile familien på teater i sommar er Robin Hood eit godt tips. Stykket vert sett opp fleire stader denne sommaren. Du kan mellom anna sjå teaterframsyninga på den vesle øya Natvigs Minde i Stavanger hamnebasseng. Eller du kan sjå andreklassingane ved Statens Teaterhøgskole si tolking av Robin Hood i Frognerparken i Oslo.
Utandørsframsyningar
I Grimstad kan sjå framsyninga 'Blomster og blod' på utescena i steinbrotet ved Grimstad. Gisken Armand gjer ein monolog som Marie Hamsun, om livet med forfattaren Knut Hamsun.
Sidan 1954 har det vorte arrangert spel på Stiklestad, det er det eldste og største i Norden. I slutten av juli kan du få med deg 2009-versjonen av Spelet om Heilag Olav på Stiklestad.
Sceneanbefalingar i sommar
- Robin Hood, Natvigs Minde, Stavanger, 13.juni-15. juli. Robin Hood , Frognerparken, Oslo, 17. juni- 15. juli.
- Blomster og blod, Fjæreheia, Grimstad, Agder teater, 14.-17. juli.
- Spelet om Heilag Olav, Stiklestad 24.-29. juli.
- TidarÅ, Fryajuvet, Vinstra, 5.-8. august.
- Midnattsopera: Olav Engelbrektsson, Steinvikholm slott, Stjørdal 6.-8. august.
Peer Gynt-stemnet på Vinstra lovar ei spektakulær danseframsyning. Verket TidarÅ skal framførast ute i elva Frya. Hallgrim Hansegård frå FRIKAR står for koreografien, og Gunhild Sundli speler Solveig.
På Steinvikholm slott i Stjørdal kan du sjå midnattsoperaen Olav Engelbrektsson. Henning Sommerro og Edvard Hoem sin opera er ei gjenskaping av ein dramatisk maktkamp, og ei tragisk kjærleikhistorie, med erkebiskop Olav Engelbrektsson i hovudrolla. Det heile går føre seg i autentiske omgjevnader.
Hva vil du anbefale andre å se på norske scener i sommer? Gi tips her:
I Afghanistan
