Neste år så vil alle som har ein iPhone eller iPad automatisk få installert musikktenesta Beats Music. Dette vil bli Apple si storsatsing for å ta opp kampen med Spotify og for å kome på banen for alvor med musikkstrøyming. Alle som har ein iPhone eller iPad vil automatisk få programmet:
– Denne konkurransen vil skjerpe aktørane, og eg trur dette vil kome forbrukarane til gode, seier musikkjournalist Trine Jørgensen Aandahl i NRK P3.
ALLE FÅR: Frå mars 2015 så vil alle som kjøper nye iPhone eller iPad eller oppdaterer dei ein har automatisk få Beats Music.
Foto: DENIS CHARLET / AfpForhandlar med platebransjen
Apple skal no prøve å ta opp konkurransen med pris. Spotify kostar 99 kroner for betalingsversjonen i Norge. Når Beats kjem så vil dei ikkje ha ein gratisversjon med reklame slik som Spotify har.
Beats vil ein måtte betale for. Ifølge New York Times så prøvar no Apple og Beats å forhandle fram ein avtale med platebransjen slik at dei skal koste 50 kroner månaden.
– Kan skjelve i buksene
Beats Music blei kjøpt opp av Apple frå blant andre rapparen og business-mannen Dr.Dre for 3 milliardar dollar.
Journalist i Din side og Dagbladet , Kirsti Østvang, seier at Apple har eit godt utgangspunkt:
– Det er 800 millionar som har iPhone eller iPad i dag. Det er ikkje sikkert dei vil lukkast. Men, om dei har ein konkurransedyktig pris så trur eg dei vil det. Spotify har i dag 10 millionar betalande brukarar. Om då Apple vil få 100 millionar, så trur eg Spotify vil skjelve i buksene.
SELDE: Businessmann og rappar Dr. Dre selde Beats Music til Apple for 3 milliardar dollar.
Foto: Andy Kropa / ApTrur artistane vil få meir
Fleire artistar har halde tilbake den nye musikken dei slepp frå strøyming, i håp om å selge meir på CD og at folk skal laste ned og betale for musikken.
Taylor Swift trakk nyleg all musikken sin frå Spotify fordi ho meiner ho tente for lite.
Journalist i NRK P3, Trine Jørgensen Aandahl trur at konkurranse mellom strøymetenester vil gje meir pengar til artistane:
– Om Beats veks seg like stor som Spotify så vil det auke konkurransen. Det igjen fører til at musikktenestene må by over kvarandre, då kan det vere at artistane kjem betre ut av det. Det håper eg fordi i dag er det åpenbare utfordringar med at artistane tener lite på strøyming, seier Jørgensen Aandahl.
Les også:
