Hopp til innhold

Cuiggoda čállinmeattáhusaid

Olusat čállet sámegillii sosiálamediain dego Facebookas ja Twitteris.

Karen Juuso Baal

Romssa Sámi skuvlla rektor Karen Juuso Baal vuordá eanet ámmátolbmuin.

Foto: Eilif Aslaksen / NRK

Dávjá oaidnit giellameattáhusaid go olbmot čállet sámegillii. Leago de lunddolaš cuiggodit jus olmmoš meaddá?

Romssa Sámi skuvlla rektor Karen Juuso Baal čállá áŋgirit Facebookas, ja son gal vuordá aŋkke ámmátolbmuid máhttit čállit riekta.

– Dat gii galgá oahpahit sámegiela dat aŋkke ferte máhttit dan. Olbmot geat leat omd. giellaoahpaheaddjit berrejit sosiálamediain geahččalit čállit riekta, vai earát oidnet ahte dá lea muhtin gii geahččala, dadjá Juuso Baal.

– Ámmátolbmot fertejit gierdat

Dávjá oaidnit čállinmeattáhusaid sihke Twitteris ja Facebook neahttasiidduin. Makkár vuordámušat leat sámegielagiin ahte dat mii čállo sosiálamediain ja neahtas galgá čállot áibbas riekta?

Romssa Sámeskuvlla rektor, Karen Juuso Baal mielas ii berre cuiggodit nu olu dábálaš olbmuid čállosiid muhto vuordá eanet ámmátolbmuid čállosiin.

  • Guldal olles ášši:

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.