- Dál leamaš guhká liekkas davvin, muhto otná rájes čoaskugoahtá Finnmárkkus. Vahkuloahpas nohkagohtet báhkat maid Romssas ja Nordlánddas, muitala stáhtameteorologa Sevim Müller.
Čoaskugoahtá
Finnmárkku rittuguovlluin vuordá stáhtameteorologa odne ovdal gaskabeaivvi rájes riđu, muhto dat ii boađe deaivat juohke báikái, muhto šaddá garrasat biegga, go dan mii leamaš. Muhtin guovlluin boahtá mierká, ja dain guovlluin čoskkoda. Maiddái sis-Finnmárkkus vurdo čoaskásut dálki vahkulohppii.
Romssa fylkkas vurdo sullii seamma dálki mo Finnmárkkus, muhto Nordlánddas bistá fiinna dálki ain veháš. Vahkuloahpas čoskkoda maiddái dáin fylkkain. Müller ávžžuha lihká olbmuid návddašit dan dálkki mii lea.
Dá ášši:
