Veahkaválddálašvuohta ruovttuin
Veahkaválddálašvuohta bearrašis lea oalle čiegusis ášši, das ii gullo nu olu. Ja justa dien áiggošedje čalmmustahttit dál. Oarje- ja Nuorta Finnmárkku bearašveahkaválddálašvuođa koordináhtor Lilja Hansen gálgá
láidestit kámpanja. Áigumuš livččii ná eastadit veahkaválddálašvuođa.
Áŋggirdeamis geavahit su filmma
Dán kámpanjjas dahje áŋgirdeamis geavahit Anne Merete Gaup filmma "Dolaiguin stoahkame". Finnmárkku veahkaválddalašvuođa koordinahtor Lilja Hansen muitala Ávvir aviisii ahte áigumuš livččii oažžut olbmuid hállagoahtit veahkaválddálašvuođas. Danne lea vuogas geavahit filmma mas oidnet dáhpáhusa man vuođul sáhttet ságastallagoahtit.
Filbmadahki Anne Merete Gaup muitala filmma ráhkadan go lei filmaoahppo-skuvllas. Doppe dahtto rahkadit filmma das mas son berošta, nu son válljii ráhkadit filmma veahkaválddallašvuođas. Son illuda go leat áigumin su filmma geavahit ja lohká iežas illudit jos oba okta olmmošge oaččušii das ávkki.