Flikkajođiheaddji Johnny Ingebrigtsen mielas livččii viiddideapmi vuogas, go lea nu ollu gonagasreabbá ahte dat bilida guolásteddjiid bivdoreaidduid.
Ingebrigtsen ii loga geange diehtit man viidát dát reappát duođaid vánddardit.
Finnmárkku sosialisttalaš gurutbellodat dat háliidivččii sirdit bivdorájáid, vai gonagasreabbá geahppánivččii.
Guolásteaddjit giksašuvvet
Maiddái Muosát guolásteaddjit giksašuvvet go gonagasreabbá bilida bivdoreaidduid, nu ahte livččii lunddolaš ahte sii maid beasaše bivdit.
Guolástandirektoráhta Finnmárkkuguovlludirektevra Hermod Larsen lohká iežaset áigut árvvoštallat árvalusa.
Soaitá duohtan šaddat jo boahtte jagi rájes ahte sirdet bivdorájá nu ahte eambbogat besset bivdit.
Jáhká árvalusas lea oasáš politihkka vuođđun
Dattetge ii leat son ovttaoaivilis sosialisttalaš gurutbellodagain ahte gonagasreabbá laská, su mielas lea baicce nuppe beliid, nu ahte dán árvalusas dáidá leat oasáš politihkka vuođđun.