Hopp til innhold

Plánejit miellačájáhusa Fálesnuorrái

Ruvkevuosttildanjoavku Fálesnuori ruvkedoaimmaid vuostá pláne miellačájáhusa Fálesnuoris dán mánu 24. beaivvi.

Gruvedrift i Kvalsund
Foto: Eilif Aslaksen / NRK

John Nystad
Foto: Oddbjørg Hætta Sara/NRK

Ruvkevuosttildeapmi ja mannan vahkkoloahpa konsearta ruvkedoaimmaid vuostá Gállogis Johkamohkis, lea ožžon sin áŋgireappot bargat čohkket searaid Fálesnuori ruvkedoaimma vuostá. Nu muitala Kárášjoga Sámeálbmot bellodaga politihkkár ja ruvkevuosttildanjoavkku lahttu John Nystad.

Sáhttá šaddat sáhka lobihis akšuvnnain

Fálesnuori ruvkevuosttildanjovkui válljejuvvojedje geassemánus golbma olbmo, Finnmárkku Luonddugáhttenlihtu jođiheaddji Gunnar Reinholdtsen, fálesnuorrilaš Torulf Olsen ja John Nystad.

Ságat-aviissas lávvordaga geažuha Torulf Olsen ahte sáhttá šaddat sáhka lobihis akšuvnnain maid, go lea leamaš sáhka buođđut revrre mas ruvkebázahusat galget boahtit olggos.

John Nystad ii loga iežaset digaštallan lobihis vugiid joavkkus iige loga dán joavkku ulbmilin iige áigumuššan.

– Jus ehpet oro olaheame lobálaš akšuvnnain, sáhttá go de šaddat sáhka lobihis akšuvnnain?

– Die lea ášši maid joavkkus ferte vuos formálalaččat ságastallat. Diet ii leat áššin leamaš mange láhkai golmma olbmo joavkkus.

Ii leat vuosteháhku lobálaš miellačájehemiide

Fálesnuori sátnejođiheaddji Ragnar Olsenis eai leat vuostehágut lobálaš miellačájehemiide, muhto bivdá miellačájeheddjiid jurdilit vuđolaččat vugiid birra maid geavahit.

– Akšuvnnat eai ábut leat váralaččat oktiige, várre son.

Korte nyheter