23.10.2014
Maŋimuš ođđasat sámegillii

Somás biillafilbma

mater

"Cars" lea Pixar ođđa data animerejuvvon filmma námma. Man buorre son dat lea?

Pixar, sii geat ráhkadedje Toy Story maiddái, leat dál ráhkadan ođđa animašuvdna filmma man námma lea "Cars". Ferten mieđihit ahte mun liikon data animašuvdna filmmaidde buorebut go tevdnejuvvon. Hui somá dán filmmas lea go eai gávdno olbmot dan máilmmis, dušše biillat ja mášiinnat. Biillat leat dego olbmot dán filmmas, sis leat dovddut dego olbmos ja lihkadit maid nu.

Dieđusge lea dákkár mánaid/nuoraid filmmas moralalaš diehtu. Filmma álggus oidno "Alddanas Makkveen" dahje "Lightening McQueen" mii lea hui čeavlás gilvobiila, mii áiggošii dušše vuoitit. Muhto de šaddá fáhkkestaga orustit ovtta smávvá báikkážis gos eai oro earogo moadde biilla. Doppe son oahppá dovdagoahtit iežas, ja gevvet hui somás dáhppáhusat, dego dalle go son ja su buoremus ustit gomiheigga traktoriid(mat leat dego gusat, dan botta go biillat leat dego olbmot). Ja ii han filbma leat miellegiddevaš jus ii leat ráhkisvuođamuitalus, muhto dákkár filmmain diehtá measta álo mo loahppá.  

Filmmas lei maiddái historjjálaš diehtu Route 66 birra man birra in lean gullan ovdal mii lei hui miellagiddavaš; Filmma plánen, karakterat ja biillat leat vuođđun albma olbmuid ja báikkiid birra Route 66 guora!

Ii leat gal nie ahte mun čohkkájin ja čaibmen jitnosit nu gallii, muhto muhtomin gal ribahin.

 Dás oainnát oanehis videosnuhta