Maŋimuš ođđasat sámegillii

-Rihkkon šiehtadusa prinsihpaid

čájáhusgovva

Foto: Illustrasjon/Statnett

NVE lea rihkkon konsultašuvdnašiehtadusa prinsihpaid, oaivvilda sámediggeráđđi.

Majjen R Eira
Nils H Måsø

Publisert 08.05.2012 12:29.

Skriv ut
Del/tips

Sámediggeráđđi ii dohkket, ahte NVE (Norgga čázádat ja energijadirektorahta) lea addán konsešuvnna Statnett SF:ii hukset ođđa elrávdnjelinjá Báhccavuonas Hammerfestii, ovdal go Sámediggi lea gieđahallan ášši dievasčoahkkimis. Dan čilge ráđđelahttu, Vibeke Larsen.

Sametingsrådets medlem, Vibeke Larsen. (Foto: Harrieth Aira/NRK)

Larsen imaštalla manin NVE ii astan vuordit addimis konsešuvnna dassážii go Sámedikki dievasčoahkkin lea gieđahallan ášši čakčamanus.

NVE lohká iežaset gulaskuddan

-Sámedikkiráđis mii gal oaidnit ahte lea dárbu elrávdnjái Finnmárkkus, muhto mii eat leat duđavažža mo sii leat válljen bidjat daid iešguđet traseaid mat guoskkahit omd. boazodoalo guottetbáikkiid.

Dáinna lágin čuoččuha Larsen ahte NVE lea rihkkon prinsihpaid mat leat konsešuvnna šiehtadusas Sámedikki ja stáhta gaskkas.

Dása gal ii leat NVE konsešuvnnaossodaga direktevra Rune Flatby ovttaoaivilis. Son lohká iežaset gulaskuddan Sámdikkin 2007 rájes ja ahte lea mearri man guhká sáhttet vuordit ovdal go ožžot čielga vástádusaid Sámedikkis.

Elrávdnjelinjjá Báhccavuonas Hammarfestii manna golmma filkka, 14 gieldda ja 30 boazodoalloorothaga čađa. Guovllus leat maid ollu sámi kulturmuittut.

Ártna vuorká