Maŋimuš ođđasat sámegillii

Vahágis mearrádus

Ovddeš ruvkebargi Per Nils Saari atná vahágin Guovdageainno gieldastivvrra mearrádusa.

NRK

Guovdageainno suohkanstivrra mearrádus ruvkeáššis lea vahát, nu lohká ovddeš ruvkebargi Per Nils Saari, gii ikte ovddastii bargiidbellodaga suohkanstivrras.

Lemet Ailu Anti
Johan Ante Utsi
Kjell Are Guttorm

Publisert 27.04.2012 10:35.

Skriv ut
Del/tips

Ikte mearridii Guovdageainno suohkanstivra hilgut plánaprográmma mii livččii bidjan vuođu guorahallamis ahte makkár váikkuhusat leat ruvkedoaimmahagas Bieddjovákkis.

Arctic Gold AB lea áigumuš álggahit ruvkkedoaimma Bieddjovákkis, muhto suohkanstivrra eanetlohkku čájehii ikte ahte sii leat vuosttá dasa.

Per Nils Saari lea ovdal bargan ruvkedoaimmahagas, ja dál son lea bargiidbellodaga várrelahttu suohkanstivrras. Son ballá suohkan lea dáinna mearrádusain cealkán eret iežas vaikkuhanválddi dán áššis.

Saari maid ballá ruvkefitnodat goitge beassá roggagoahtit Bieddjovákkis, ja de ii beasa suohkan šat leat mielde váikkuheames movtege.