Goalmmát ja maŋimuš álgovuorus deaivvadeaba ge Máze skuvla ja Unjárgga oahppogáldu.
Ovdalis leat gullan ahte Deanu Sámeskuvla, Heahtá skuvla, Kárášjoga nuoraidskuvla ja Guovdageainnu nuoraidskuvla leat jo beassan gaskavuoruide.
Ovddit vuoruin leamaš garra gilvu, go skuvllat leamaš dássálagaid masá gitta lohppii.
Maiddái otná sáddagis vurdojuvvo garra gilvu, mas virkos nuorat buoremus lági mielde vástidit feara makkár gažaldagaide. Dán sii dahket beassan dihtii gaskavurrui, ja dáinna lágiin lahkonit loahppagilvvu.
Bargga fal don ge muitit guldalit "Dieđátgo?"-sáddaga odne, diibmu 16.30, NRK Sámis.
Dás sáhtat guldalit 3. álgovuoru, mii sáddejuvvui 15.03.12.