Liv Rundberg lohká musihka leat dehálažžan, mat livčče vel juovllat lávluma ja musihka haga? Son muitala juovlalávlagiid ja musihka leat áibba dábálažžan su dálus.
Buot mánát lávlot ja čuojahit
Su ruovttus lea nu ahte sii álo lávlot, ja sin dállui bohtet maid earát lávlut ja čuojahit. Sii lávlot koaras, ja lávlot máŋgga gillii, sámegillii maiddái.
Ieš eret Telemárkkus
Iežas muitala Liv Rundberg leat eret Telemárkkus. Su áhčči lei báhppan doppe ja son hárjánii gulat olu lávluma. Son muittaša mo áhččis lávii girkus juovllaid lávlut "O helga natt".