Hopp til innhold

Lávlunboddu geasuha Gáivuonas

Biertaváris, Gáivuonas lea sámi-dáru lávlunbottoš lágiduvvon dearvvašvuođaguovddážis 1988 rájes. Muhtin almmái lea 1988 rájes jávkan dušše viđa heave lávlunbottos.

Ny og gammel samisk salmebok
Foto: Wenche Marie Hætta / NRK

Ášši doaimmaha Klemet Anders Sara

1988is álggahedje Biertavári dearvvašvuođaguovddážis sámi-dáru lávlunbottoža, mii lágiduvvo oktii mánus. Jurdda lei ahte sihke dearvvašvuođaguovddáža ássit, ja suohkana ássit besset deaivvadit, gullát Ipmilsáni ja lávlut.

Diibmosaš deaivvadeapmi

Idar Pedersen illuda vuolgit dán lávlun- ja rohkosboddui. Son lohká leat somá beassat lávlut ovddeš sálmmaid. Lea maiddái somá go dán boddui bohtet olbmot hui viššalit.

Leamaš masá buot deaivvademiin

Petter Bakkevoll muitala iežas leat leamaš masá buot deaivvademiin, dušše viđa heave lea son jávkan 1988 rájes. Lávlunboddu lágiduvvo oktii mánus, ja de gal mearkkaša dát ahte Petter Bakkevoll lea áŋgirit searvan bottožii go lea leamaš masá buot deaivvademiin. Iežas lohká iluin vuolgit bottožii, go doppe gullá sihke Ipmilsáni ja lávluma.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.