Sven Roald Nystø lea leamaš mielde Sámidikkis 12 jagi . Gávcci dáin jagiin lei son presideanta. Ja son leamaš maiddái sámi vuoigatvuođa lávdegotti jođiheaddjin ja Bárentsovttasbarggu álgoálbmot lávdegottis.
Presideantadoaibma gáibidii ollu
Nystø muitala presideantadoaimma lean miellagiddevažžan, muhto dat lei maid lossa bargu. Dien doaimmas fertii olu gierdat, olu lei nákkáhallan, ja dan ii loga álo lean nu somán.
Stuorámus dáhpahus moarsi ja mánná
Su eallima stuorimus dáhpáhus dál lea dat ahte som lea gávdnan moarsi ja sutnos lea unna bártnáš, gii dál lea guhta mánu boaris. De su eallin lea áibba rievdan, go dál lea son šaddan bearašolmmožin.
Bargá ráđđeaddin Divttasvuonas
Árran Julevsámiguovddažis son bargá dál erenoamás/spesiála ráđđeaddin. Dán barggu lohká leat aibba earán go sámediggepresdeanta ámmáha, danne go presideantan fertii son olu mearrádusaid dahkat seamma beaivvi. Dál lea sus ráfálat bargu, sus lea buoret dilli geahčadit ja guorahallat áššiid ovdalgo dain mearrida maidige.
Álbmot ja media gáibidii johtilis vástádusaid dalle go son presideantan barggai, dál bálle ráfis bargat. Ja sáhttá maid guhkit áiggi smiehttat ja guorahallat áššiid ovdalgo daid gárve.
Boahtteáigge jurdagat
Iežas navdá Sven Roald Nystø joatkit bargat servodatáššiiguin. Ja áinnas joatká son bargat Árran Julevsámi guovddážis maid boahtte áiggis. Go dies son loaktá bures.
Ii Sven Roald Nystø navdde iežas gal poletihkain šat bargat, danne ii loga iežas šat vuolgit NSR`ovddas presideantaevttohassan, muhto ii hal olmmoš dieđe mii boahtteáiggis dáhpáhuvvá, dadjalastta vel.