26.10.2014
Maŋimuš ođđasat sámegillii

Dánsumiin ealáska olmmoš

Anna Tobiassen ja Birgitte Daniloff (Foto: Marit Sofie Holmestrand)

Anna Tobiassen ja Birgitte Daniloff

Foto: Marit Sofie Holmestrand

Vuonnabađas Várjjagis golladit boarrásat áiggi dánsumiin. Dánsun movttiidahttá ja seammás maid lásmmodahttá, lohket dánsárat.

Ášši doaimmaha Marit Sofie Holmestrand

Anna Tobiassen lea 89 jahkásaš nisu gii searvá boarrásiid/ seniordánsii, iežas lohká leat boarraseamos dánsáriin. Sutnje lea buorre vuolgit olbmuid deaivat, ja erenomáš buorre lea go beassá vel lášmmohallat.

Ferte oaivvi geavahit

Margit Porsanger Eikjok ja Anna Tobiassen (Foto: Marit Sofie Holmestrand)

Margit Porsanger Eikjok ja Anna Tobiassen

Foto: Marit Sofie Holmestrand

Anna Tobiassen oaivvilda leat buorre dánsut danne go de ferte geavahit oaivvi, ferte smiehttat mo galgá lihkadit. Iežas lohká leat geahččalan leahkit son gii jođiha/mearrida go dánsu, ja dange lohká mannan bures.

Buorre vuohki oažžut vara johttit buorebut

Anna Kristoffersen ja Anna Tobiassen (Foto: Marit Sofie Holmestrand)

Anna Kristoffersen ja Anna Tobiassen

Foto: Marit Sofie Holmestrand

Lea maid buorre lihkadit, go dalle han varrajohtu šaddá buoret. Dan lohká maid Boarrásiid/ Seniordánssa jođiheaddji Mari-Ann Nilssen. Ja son lohká olbmuid boahtit sihke Unjárggas ja Deanus dán dánsumii.

Mari-Ann Nilssen (Foto: Marit Sofie Holmestrand)

Mari-Ann Nilssen

Foto: Marit Sofie Holmestrand

Nilssen muitala maid iežaset oažžut gielddain ruhtadoarjaga jođihit dánssa, go boarrasat olbmuide lea buorre beassat lihkadit.

Almmaiolbmot gal eai leat gallis dán dánssas. Anna Tobiassen váillaha sin, ja son gal duođai illuda go beassá deaivat olbmuid. Seammáš beassá son vel lášmmohallat. Iežas lohká dovdat bures rupmašis ahte lea lášmmohallan, ja dat lea dakkáraš buorre dovdu.

Seniordánsajoavku Vuonnabađas (Foto: Marit Sofie Holmestrand)

Seniordánsajoavku Vuonnabađas

Foto: Marit Sofie Holmestrand
Ártna vuorká

10 siste fra NRK Sápmi

Hvit buffer 2
Mánáid TVHvit buffer

Hvit buffer 2
NRK Sápmi (NRKSapmi) on Twitter
Kommenter på facebook