Maŋimuš ođđasat sámegillii

Internáhta mánáid vásáhusat

Hermann Kåven

Foto: Arne Ivar Johnsen

Sin internáhta dilli ii lean nu fávdnát, lohká Hermann Kåven, gii dál bargá Bissojoga Bajásgeassin Guovddáža hoavdan. Ii internáhtas lean lohpi hállat sámegiela, ja dát dagahii heajut iešdovddu.

Anne Olli
Arne Ivar Johnsen

Publisert 17.11.2010 13:31.

Skriv ut
Del/tips

Ášši doaimmaha Arne Ivar Johnsen

Lei 1950 logu loahpageahčen ahte dálá Bissojoga Bajásgeassin Guovddáža hoavda, Hermann Kåven, vásihii internáhta eallima Bissojogas. Doppe gal ii lean lohpi hállat sámegiela muhto liikká dahke sii dan, lohká son.

Internáhta biigá muittaša

Magna Persen barggai ges biigán Billávuona internáhtas Porsáŋggus 1958 rájes gitta 1964 rádjai. Son lei dalle 20 jahkásaš go bargagođii biigán doppe. Sin gal ii oktage gieldán hállamis sámegiela mánáide.

Magna Persen

Foto: Arne Ivar Johnsen

Mánát orro guhkkit áigge háválassii internáhtas, muhto ii lean nu ahte eiseválddit bággejedje sin orrut doppe. Mánát fertejedje orrut internáhtas danne go ii lean sáhttu man mielde sáhtte finadit ruovttus, lohká Persen. Dárogiella lei gal váldogiella, ja dat gal dagahii dan ahte mánát stoahkagohte dárogillii.