Siste nytt fra NRK Sápmi

Boazodoallit dovdet iežaset vealahuvvon

Magne Ballovara (Foto: Thoralf Balto/NRK)

Deanu gielda gáibida opmodatvearu guođohanbarttain, muhtto ii návehiid ovddas. NBR gáibida boazodollui ja eanadollui seammalágán njuolggadusaid.

Mika Saijets

Publisert 13.10.2008 12:20.

Skriv ut
Del/tips

Čorgasnjárgga orohaga ovdaolmmoš, Magne Ballovara, lohká dán rihkkut boazodoallolága. – Su mielas lea imaš, ahte sii gártet máksit guođohanbarttain opmodatvearu gildii, váikko boazodoallolága mielde dain ii galgga dárbbašit máksit maidige.

GULDAL: Opmodatvearru boazodoalus

Boazodoalu ja eanandoalu gaskkas lea stuorra erohus divadiin. Ballovara lohkáge boazodoalu leat vealahuvvon eanandoalu ektui. Deanu gielda dáhttu goitge opmodatvearu buot orrun-, astoáigge- ja ealáhusvisttiin. – Boazodoallu lea ealáhus dego earáge ealáhusat ja danin dáhttot sii mávssu boazodoalliin. Nu lohká Øystein Somby-Solaas, Deanu gielddas. Opmodatvearrolága mielde eanandoallit eai goitge dárbbaš máksit opmodatvearu návehiin.

Norgga Boazosápmelaččaid Riikkasearvvi jođiheaddji, Nils Henrik Sara, lohká iežaset gieđahallat dán ášši NBR:a čuovvovaš stivrra čoahkkimis. – Boazodoalus ja eanandoalus eai galgga leat iešguđetlágan gáibádusat opmodatvearu ektui, muhto dát guokte ealáhusa galget leat ovttaveardásaččat.

Maŋimuš Ártna áššit