Her er forvaltningsreglene

1. Det er ulovleg å leggje ned ein skule - eller ta bort årskull ved ein skule - berre som del av eit budsjettvedtak
( Årsbudsjett og/eller Økonomiplan )

2. Framlegg om å leggje ned ein skule - eller om å ta bort årskull ved ein skule - inneber at kommunen ynskjer å endre opptaksområda for skulane.

3. Administrasjonen må då arbeide ut framlegg til kommunal Forskrift, som gjer greie for dei nye opptaksområda.
Då gjeld reglane om Forskrift i Forvaltingslova.
Der er det krav om

• a. førehandsvarsling

Kommunen må varsle ålmenta straks dei byrjar
arbeidet med å utforme ny Forskrift. Der skal ein opne
for innspel, opplyse om fristar m.v.

• b. konsekvensanalyse

Alle kommunar skal ha ein skulebruksplan (strukturplan,
sektorplan undervisning e.l.) som del av kommunen sitt
samla planverk.
Konsekvensanalysen (saksutgreiinga) må forankrast
i dette planverket - og innehalde skulefagleg
omtale og vurdering av mogelege konsekvensar av
endra opptaksområde.

• c. høyringsrunde

– Kommunen skal hente inn fråsegner frå
Foreldreråd og Samarbeidsutval ved dei
skulane Forskrifta rører ved.
– Det same gjeld fagforeiningane til lærarar og
andre tilsette.
– Lag og organisasjonar i nærmiljøet må gjevast
høve til å uttale seg.
– Det er eit demokratisk krav og sedvane at
kommunen skipar til folkemøte med på-
fylgjande folkerøysting i dei lokalsamfunna
endringane gjeld.

Resultatet av høyringane skal liggje ved sakspapira vidare.

4. Dei kommunale organa har no grunnlag for å handsame framlegget til Forskrift - og eventuelt gjere vedtak.

• a. Om kommunen har skulestyre (oppvekstutval e.l.) som ein del av styringsskipnaden sin, skal saka opp der.

• b. Endeleg handsaming skjer i kommunestyret.
• c. Kommunen skal deretter gjere einskildvedtak om skuleplass for kvar elev som vert omfatta av ny Forskrift.

5. Fyrst når klagefristar m.v. er ute, kan kommunen på lovleg vis setje Forskrifta i verk – t.d. ved å gjere endringar i Årsbudsjett og/eller Økonomiplan.