Son hálida diehtit eambbo Sámemišuvnna doaimmaid birra, ja hástala olbmuid muitalit sutnje buot maid diđežit.
Buot dieđut leat dehálaččat duŧki mielas. Sámemišuvdna han huksii Finnmárkui sihke skuvllaid, girkuid, mánáidruovttuid ja dearvvašvuođaásahusaid dalle dolin.
Čállá vásáhusaid
Ja dáid ásahusaid birra dat hálida son eambbo dieđuid, erenoamáš daid dearvvašvuođaásahusaid birra. Ieš sámemišuvnna bargguid birra dat gal gávdnojit vel dieđut, muhto olbmuid vásáhusat sámemišuvnnain, eai leat nu bures dokumenterejuvvon.
Nu ahte jus dus ležžet makkárge vásáhusat dahje leat gullan maidige, de hálidivččii Hamran dan birra gullat.