PÅ NORSK:
(Muitaleaddji: Per L. Boine)
De lean gullan dán muitalusa dalle gándan. De ledje nuppi máilmmisoađi áiggi duiska soalddáhat jođus Kárášjohkii, vuolgán Guovdageainnus. Ja go ollejedje Šuošjávrái, de lea kapteaidna gii jođihii dan soalddátjoavkku: Son bággii guokte sápmelačča suvdit su fatnasiin vulos Iešjot ráiggi, danne go ii gillen vázzit. Ja nu ieš čohkkedii guovdu fatnasa, bijai soalddáhiid gátti mielde vázzit, ja sápmelaččaid ovdaskohttasii ja mannjegeahčái.
Go ollejedje Bahásguikii, de dadjet sápmelaččat sutnje ahte: Dál dulvvi áiggi don fertet gáddái mannat, mii fertet fatnasa suvdit várrogasat vulos, muhtun sajes fertet várra geassit dan gátti mielde. Kapteaidna ii viššan (gillen) gullat ge dan guokte sápmelačča ságaid ja árvalusa ahte son galggašii vázzit. Rohttii pistovlla (bissu) ja lohká:
"Jus eahppi suvdde su vulos dan guoikka, de son báhčá dudno."
De lohkaba dat guovttos:
"De gal lea seammá ahte bážát dál jo. Danne go soai gal diehtiba movt geavvá, jus mannat dohko, čákŋat dan guikii."
Na-na, de dat kapteaidna bággii guokte soalddáha dan fatnasii ja dat sápmelaččat báziiga dasa gáddái. Ja de manne sii dan guoikaráiggi. Ja doppe leat.