Hopp til innhold

Su girjjit dokumentašuvdnan

Porsáŋggu leksikona maid Jáhkovuotnalaš Ole Johan Nikodemussen čállá, lea maŋit áigái nana dokumentašuvdnan porsáŋgolaččaid maŋisboahttiiide. Dáid girjjiin lea maiddái sáhka olbmuin geat fárrejedje Suomas ja Ruoŧas 16- ja 1700 logu rájes dálá Porsáŋgui, muitala Ole Johan Nikodemussen.

Ole Johan Nikodemussen

Ole Johan Nikodemussen

Foto: Sámi Radio / NRK

Gula ášši: Porsáŋggu leksikona

30 jagi lea Ole Johan Nikodemussen čohkken dieđuid leksikona girjjiide mat dál leat prenten muttos. Leksikona girjjiid leat dál vel geahčadeamen ovdalgo prentejuvvojit.

Sáhka sullii 5700 bearrašis

Nikodemussen lea ieš mátkoštan sihke Suomas ja Ruoŧas guorahallandihtii gos muhttin porsáŋgolaččaid máttut leat vuolgán. Son lea ohcan dieđuid dáid riikkaid dološ girkogirjjiin, ja lea maid suohkaniid dološ girjjiid geahčadan. Ná son lea fitnen dieđuid leksikonii.

Farga prentehussii

Ole Johan Nikodemussen árvvoštallá girjjiid leat oasttin láhkai giđa mielde. Miessemánus son navdá dáid leat prentejuvvon.

Vel áigi lasihit dieđuid

Girječálli muittuha ahte dál livččii vel áigi sáddet sutnje dieđuid jos leat vel dieđut mat galggašedje girjjiide. Soitet muhtin bearrasiin leat lassánan mánát, earátges náitalan, dahje jápmán.Govaid lea maid vejolaš sáddestit sutnje. Son lasiha vel dáid dieđuid girjiide ovdalgo sádde daid prentemii.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.