Beaivváš áiggošii geasuhit eambbo

Hopp til innhold

Sápmelaččat galget sáhttit dovdat, ahte Beaivváža teáhterčájalmasat gusket sidjiide. Teáhter galgá lea relevánta, čalbmáičuohci ja das galgá leat alla ámmátlaš dássi. Deháleammos lea almmatge, ahte Beaivváš hállá njuolgga geahččiide. Nu čilge teáhterhoavda Haukur J. Gunnarsson mihttomeriidis teáhterhoavdan.

Gunnarsson lea 1990 vuođđalogus maid bargan Beaivváža teáhterhoavdan. Dán jagi son máhcai fas ruovttoluotta dán virgái. Ja son lohká alcces stuorra hástalussan oažžut geahččiid fas ruovttoluotta teáhtersálii maŋŋágo moadde maŋimuš jagi leat leamaš heajos geahččiidlogut.

- Geahččit leat munnje dehálaččat ja sii galget maid leat mielde muitalusain maid sii gaskkustit, deattuha Gunnarsson.

Haukur J. Gunnarsson jearahallama oainnát Árdna TV prográmmas, mii sáddejuvvo eahketbeaivve ihttin diibmu vihtta váile bealguđas.

Ođđasat - Davvisámegillii

25. april 2024 kl. 16:10
Seminára sámi mánáidgirjjálašvuođa birra: – Dá lea álgu sámi mánáid girjjiide

Sámedikki girjerájus, Juoigiid searvi ja Norgga mánáidgirjeinstituhtta lágidedje odne rabas seminára sámi mánáid girjjálašvuođa birra Oslos.

Girječálli Inga Ravna Eira, sámi girječálliid searvvis, lei okta dain gii čuovui seminára.

– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.

Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.

Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.

– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.

Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.

– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.

Ihttá bargobádjái lohká vuordit ahte dat geat galget doppe hállat doppe buktet árvalusaid muhto maid ahte sii ovttas galggašit gávnnahit juoidá.

– Dá lea álgu sámi mánáid girjjiide, ja dás rájes de álget várra dahpahuvvot áššit, sávvamis.

Foto: Iŋgá Káre Márjá I. Utsi / NRK
Ođđasat - Davvisámegillii

25. april 2024 kl. 14:19
Kártadoaimmahat dohkkeha Oslove – mieđihit iežaset ádden ášši boastut

Kártadoaimmahat lea dál dattetge dohkkehan Oslove nama almmolaš máttasámegiel namman Norgga oaivegávpogii.

– Mii dat leimmet boastut ádden. Gielda lei ožžon formálalaš rávvaga sámi báikenammanevvohagas maid lága mielde galget dahkat, lohká Kártadoaimmahaga ossodatjođiheaddji Helge Dønvold.

Kártadoaimmahat šálloša go álggos dieđihedje gildii ahte namma ii dohkkehuvvo.

Dál álgá Oslo gielda čalmmustahttit gávpoga sámi nama.

– Lean hui ilus go dát manai bures ja go Oslo sámi namma dál lea almmolaččat dohkkehuvvon, lohká Oslo gávpotráđi njunuš, Eirik Lae Solberg.

Gávpoga sámi namain sii dáhttot čájehit ahte atnet árvvus sámi kultuvrra, ja čájehit ahte Oslo lea buohkaid oaivegávpot, maiddái buot sámiid oaivegávpot, deattuha son.

Oslo gieldda neahttasiiddus geavahišgohtet Oslove earret eará gávpoga logos, buohtalagaid gávpoga dárogiel namain.

Ihtet maiddái áiggi mielde Oslove-geaidnošilttat. Gielda áigu muđuid vel árvvoštallat man láhkai buoremusat čalmmustahttet gieldda sámi nama.

Oslove lea gávpoga namma máttasámegillii, ja dál juo geavahit sihke searvvit ja ásahusat dán sámi nama Oslos.

Foto: Mette Ballovara / NRK
Ådåsa - Julevsábmáj

25. april 2024 kl. 14:13
Fálli nåvkå varresvuohtakontrållåv

Dån guhti årru Hábmera suohkanin ja la 40 ja 79 jage gaskan oattjo dal varresvuohtakontrållåv tjadádit masta i dárbaha majdik mákset.

Vuoratjismáno 29. biejve álggá Saminor3-guoradallam Hábmera suohkanin, ja vihpá gitta ájgen moarmesmáno 14. bæjvváj.

Guoradallama åvddåla gåhttju Hábmera suohkan ja Saminor3 álmmuktjåhkanibmáj, mij tjadáduvvá uddni vuoratjismáno 25. biejve sebrudakvieson Ájluovtan kl. 17.00 ja Hamsunguovdátjin kl. 20.00.

Danna Hábmera suohkan galggá subtsastit manen Saminor3 la ájnas gájkajda suohkanin, ja guoradalle galggi subtsastit sisano birra viesátguoradallamin – manen Saminor3 guovte vahko duogen suohkanin sierra varresvuodastasjåvnåv rahpá.

Vihttalåk suohkana li maŋen Saminor3:n.

Foto: Solveig Norberg / NRK